Rossiya “Aeroflot” kompaniyasining Toshkent—Moskva reysi kechiktirilgani haqida xabar qilingandi. Kechikkan reys yo‘lovchilari boshqa samolyotda olib ketiladigan bo‘ldi.
8-fevral kuni soat 03:45 da Moskvaga parvoz qilishi rejalashtirilgan SU1871 reysi texnik sabablarga ko‘ra noma’lum muddatga kechiktirilgandi. Aviakompaniya reys yo‘lovchilarini mehmonxonaga joylashtirish choralarini ko‘rgan.
Uzbekistan Airports matbuot xizmatining ma’lum qilishicha, texnik sabablarga ko‘ra poytaxt aeroportidan ucha olmagan SU1871 (Toshkent—Moskva) reysi yo‘lovchilarini olib ketish uchun “Aeroflot” kompaniyasi samolyotni almashtirib, SU7774 charter reysini amalga oshiradi.
Izoh (0)