Toshkent—Istanbul—Toshkent yo‘nalishi bo‘yicha aviaqatnov o‘zgartirilgan harakat jadvaliga muvofiq kechikib amalga oshiriladi. Bu haqda Uzbekistan Airways matbuot xizmati xabar berdi.
Qayd etilishicha, texnik ishlari olib borilishi va havo kemasining rejalashtirilgan vaqtda parvozga tayyor emasligi munosabati bilan faqat 24-fevral kuni HY273/274 reysi kechiktirilmoqda.
HY273 aviaqatnovi:
- Toshkentdan jo‘nab ketish soat 18:40, mahalliy vaqt;
- Istanbulga yetib kelish soat 22:00, mahalliy vaqt.
HY274 aviaqatnovi:
- Istanbuldan jo‘nab ketish soat 23:00, mahalliy vaqt;
- Toshkentga yetib kelish ertasi kuni soat 05:30 da, mahalliy vaqt.
8-fevral kuni Toshkentda Rossiyaning “Aeroflot” reysi 6 soatdan ortiq kechiktirilgandi. Yanvar oxirida esa Toshkentdan Dubayga uchishi kerak bo‘lgan reys bir kunga kechiktirilgani to‘g‘risida xabar berilgan edi.
Izoh (0)