“Aeroflot” aviakompaniyasining SU-1870 reysi bilan Moskva—Toshkent yo‘nalishida parvoz qilgan O‘zbekiston fuqarosi Toshkent xalqaro aeroportida qo‘lga olindi.
IIV Transport va turizm obyektlari xavfsizligini taʼminlash boshqarmasi matbuot xizmati “Gazeta.uz”ga ma’lum qilishicha, ushbu holat 21-oktyabr kuni sodir bo‘lgan.
Surxondaryo viloyatida tug‘ilgan erkak jamoat tartibini buzib, behayo so‘zlarni ishlatgan, yo‘lovchilar va bort kuzatuvchilarga xalaqit bergan.
24-oktyabr kuni Sergeli tuman sudi ishni ko‘rib chiqib, unga nisbatan BHMning 3 baravari (990 ming so‘m) miqdorida jarima jazosini tayinlangan.
Eslatib o‘tamiz, 13-yanvar kuni Rossiyaning Moskva — Bangkok yo‘nalishidagi reysni amalga oshirayotgan “Aeroflot” aviakompaniyasi samolyoti shoshilinch ravishda Samarqandga qo‘ngan, bunga homilador ayolning salomatligi yomonlashgani, shuningdek, bortda yuzaga kelgan janjal sabab bo‘lgan edi.
18-yanvar kuni esa “Aeroflot” kompaniyasi samolyoti Moskvadan Goaga uchayotgan vaqtida Urganchga qo‘ndirildi. AFL236 yo‘lovchi reysi Goa yo‘nalishi bo‘yicha uchayotgan vaqtda mast holatda zo‘ravonlik qilgan yo‘lovchi sabab Urganch xalqaro aeroportidagi muqobil aerodromga kelib qo‘ngan.
Izoh (0)