Uzbekistan Airways Toshkent—Kuala-Lumpur—Toshkent reysi kechiktirilganini ma’lum qildi.
Qayd etilishicha, havo kemasining rejalashtirilgan vaqtda parvozga tayyor emasligi munosabati bilan faqat 22-fevral kuni HY553/554 aviaqatnovi o‘zgartirilgan harakat jadvaliga muvofiq 4 soatga kechiktiriladi:
HY553 aviaqatnovi
- Toshkentdan jo‘nab ketish 22-fevral soat 03:30, Toshkent vaqti bilan;
- Kuala-Lumpurga yetib kelish soat 14:00, Kuala-Lumpur vaqti bilan.
HY554 aviaqatnovni
- Kuala-Lumpurdan jo‘nab ketish soat 15:00, Kuala-Lumpur vaqti bilan;
- Toshkentga yetib kelish soat 19:30, Toshkent vaqti bilan.
Ta’kidlanishicha, aviakompaniyaning texnik xizmati mutaxassislari havo kemasini rejalashtirilgan parvozga tayyorlash bo‘yicha barcha zarur ishlarni olib bormoqda.
Eslatib o‘tamiz, 8-fevral kuni Toshkentda Rossiyaning “Aeroflot” reysi 6 soatdan ortiq kechiktirilgandi. Yanvar oxirida esa Toshkentdan Dubayga uchishi kerak bo‘lgan reys bir kunga kechiktirilgani to‘g‘risida xabar berilgan edi.
Izoh (0)