Qo‘shma Shtatlar Rossiyaga qarshi yangi sanksiyalar kiritdi

AQSH Rossiya rejimi va biznesga qarshi yangi sanksiyalar kiritdi. Bu haqda AQSH moliya vazirligi saytida xabar berildi.

Yangi sanksiyalar haqidagi press-relizda ta’kidlanishicha, Amerika hukumatining ushbu choralari Rossiyaning o‘z harbiy mashinasini saqlab qolish qobiliyatini kamaytirish va Kreml daromadlari va harbiy texnikadan foydalanish imkoniyatini cheklash uchun mo‘ljallangan.

Yangi sanksiyalar ro‘yxatida 300 ta yuridik va jismoniy shaxslar mavjud. Ular orasida “Aeroflot” sho‘ba korxonasi “Pobeda”, Ural avtomobil zavodi, “Proton” zavodi, “Sibantrasit” bir qator tuzilmalari, Bryansk avtomobil zavodi va boshqa tashkilotlar mavjud.

Shu bilan birga, Amerika Rossiya rasmiylariga cheklovlarni chetlab o‘tishga yordam beradigan uchinchi mamlakatlardagi kompaniyalarga nisbatan xavotir bildirgan.

Sanksiyalar Ozarbayjon, Belgiya, Xitoy, Slovakiya, Turkiya va BAA kompaniyalariga nisbatan joriy etildi,  — deya xabar bergan AQSH moliya vazirligi.