Ukraina rasmiylari shu hafta oxirida AQSHga tashrif buyurib, foydali qazilma konlarini o‘zlashtirish va infratuzilmani tiklash bo‘yicha urushdan keyingi rejalarni tartibga soluvchi kelishuv bo‘yicha muzokaralar olib boradi. Bu haqda Bloomberg agentligi xabar bermoqda.
Agentlikning qo‘shimcha qilishicha, Ukraina Vashington bilan kutilayotgan kelishuvda yaxshiroq shartlarga erishishga harakat qilmoqda.
Delegatsiya tarkibiga Ukraina iqtisodiyot va adliya vazirlari o‘rinbosarlari kiradi, biroq yuqori martabali amaldorlar yo‘q, chunki bu bosqichda prezident Donald Tramp ma’muriyati bilan muzokaralar texnik maslahatlashuvlarni talab qiladi. Shuningdek, Kiyev muzokaralar bo‘yicha maslahat berish uchun xalqaro yuridik firmani jalb qildi, deydi agentlikning ikki rasmiy manbasi.
Manbalarning aytishicha, tashrif 11—12-aprel kunlari bo‘lib o‘tishi kerak. Tashqi ishlar vazirligi vakili tashrif amalga oshirilishini tasdiqlagan, biroq qo‘shimcha tafsilotlarni keltirishdan bosh tortgan.
Izoh (0)