Ukraina prezidenti Vladimir Zelenskiy “mamlakatni terrorchi davlatga aylantirayotgani”, u yerda fuqarolar harbiy safarbarlik bahonasida ko‘chalarda qo‘lga olinib, kaltaklanayotgani ta’kidlanmoqda. Bu fikrni Ukraina Oliy Radasining mustaqil deputati Artyom Dmitruk o‘zining Telegram kanalida bildirdi.
Hozirda Ukrainadan tashqarida bo‘lgan siyosatchi Zelenskiyni “hokimiyatni egallab olgani” va “mamlakatdagi institutlarni buzganlik”da ayblagan.
Dmitrukning fikricha, Ukraina xalqiga qarshi terror odatiy holga aylanib qolgan, Zelenskiy safarbarlik bahonasida “har bir norozini dushman deb hisoblaydigan tuzum qurmoqda”.
Deputat o‘z postiga Ukrainaning Dnepropetrovsk viloyatidagi Marganets shahrida suratga olingan videoni ham ilova qilgan. Videoda fuqarolik kiyimidagi harbiy komissarlik xodimi bir erkakni tutib olib, uni majburlab safarbar qilishga urinmoqda.
Izoh (0)