Prezidentning Parlamentlararo ittifoq assambleyasi yalpi majlisida nutq so‘zlashi, sakkizta viloyatda sel xavfi eʼlon qilinishi, Zaynilobiddin Nizomiddinov Bekobod tumani hokimi etib tayinlanishi — “Daryo” nashri bugun, 7-aprelda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Germaniya va O‘zbekiston o‘rtasida migratsiya sohasida uch tomonlama memorandum imzolandi
Unga ko‘ra, o‘zbekistonliklarga nemis tilini o‘rganish, Germaniyada ish va yashash joylari bilan ta’minlashda yaqindan yordam beriladi.
Raqobat qo‘mitasi avtoturargohlarda noqonuniy tarzda to‘lov talab qilinsa, xabar berishga chaqirdi
To‘lov undirish faqat operatorda tegishli ruxsatnoma mavjud bo‘lgan taqdirdagina qonuniy hisoblanadi.
“Turli mintaqadagi nizolar tinchlik va xavfsizlikka jiddiy tahdid solmoqda” — Shavkat Mirziyoyev
Prezident Parlamentlararo ittifoq assambleyasi yalpi majlisida Ukraina, G‘azo sektori va Afg‘onistondagi vaziyatga e’tibor qaratdi.
Shavkat Mirziyoyev sun’iy intellektdan foydalanish etikasi bo‘yicha model qonun ishlab chiqishni taklif qildi
Mazkur innovatsion huquqiy asos dunyo miqyosida tez rivojlanayotgan ushbu sohani samarali tartibga solishda barcha davlatlar uchun o‘ziga xos namuna bo‘lishini ta’kidladi.
Shavkat Mirziyoyev Moskvadagi G‘alaba paradida ishtirok etadi
Prezident 9-may kuni Ikkinchi jahon urushidagi g‘alabaning 80 yilligi munosabati bilan o‘tkaziladigan yubiley tadbirlarida qatnashadi.
Shavkat Mirziyoyev Toshkentda Valentina Matviyenkoni qabul qildi
O‘zbekiston bilan Rossiya o‘rtasidagi strategik sheriklik va ittifoqchilik munosabatlarini yanada mustahkamlash masalalari ko‘rib chiqildi.
Shavkat Mirziyoyev Ozarbayjon Milliy Majlisi raisi Sohiba Gafarovani qabul qildi
O‘zbekiston bilan Ozarbayjon o‘rtasidagi do‘stlik, strategik sheriklik va ittifoqchilik munosabatlarini yanada kengaytirish va mustahkamlash masalalari ko‘rib chiqildi.
Shavkat Mirziyoyev Belarus Milliy Majlisi respublika kengashi raisini qabul qildi
O‘zbekiston—Belarus munosabatlarini yanada kengaytirish masalalari ko‘rib chiqildi.
O‘zbekistonning 8 ta viloyatida sel xavfi eʼlon qilindi
8—9-aprel kunlari yomg‘ir yog‘ishi kutilmoqda.
Foto: Parlamentlararo ittifoq assambleyasining prezident Shavkat Mirziyoyev ishtirokidagi yubiley majlisi
O‘z safida 181 ta milliy parlament va 15 ta mintaqaviy uyushmani birlashtirgan Ittifoqning Assambleyasi ilk marta Markaziy Osiyo mintaqasida bo‘lib o‘tmoqda.
Sergelidagi “dom”larning birida yong‘in chiqdi (video)
Hozirda yong‘in sababi va keltirilgan moddiy zarar miqdori aniqlanmoqda.
Zaynilobiddin Nizomiddinov Bekobod tumani hokimi etib tayinlandi
Tuman hokimi lavozimida ishlab kelayotgan Shuhrat Do‘stbekov yo‘l qo‘ygan xato-kamchiliklari uchun lavozimidan ozod etildi.
O‘zbekiston prezidenti arab mamlakatlari parlamentlari rahbarlari bilan Yaqin Sharqdagi vaziyatni tartibga solishning dolzarb masalalarini ko‘rib chiqdi
May oyida Samarqandda “Markaziy Osiyo—Ko‘rfaz arab davlatlari hamkorlik kengashi” muloqotining ikkinchi sammitini o‘tkazish masalalari ko‘rib chiqildi.
Toshkentda bolalarga nisbatan zo‘ravonlikning oldini olish bo‘yicha mintaqaviy konferensiya o‘tkazilishi kutilmoqda
Shavkat Mirziyoyev BMT bosh kotibining bolalarga nisbatan zo‘ravonlik masalalari bo‘yicha maxsus vakili Najat Maalani qabul qildi.
Shavkat Mirziyoyev Parlamentlararo ittifoq bosh kotibini “Do‘stlik” ordeni bilan taqdirladi
O‘zbekiston 2017-yilda Ittifoq ishidagi ishtirokini qayta tikladi va bugungi kunda uning ijro etuvchi tuzilmalarida to‘laqonli qatnashmoqda.
Toshkentdan Krasnodarga muntazam avtobus qatnovlari yo‘lga qo‘yildi
Transport vazirligi qatnov narxlari haqida ma’lumot berdi.
Shavkat Mirziyoyev Vyetnam Milliy majlisi raisi bilan turizmni vizasiz tartibni joriy qilish orqali rivojlantirish masalasini muhokama qildi
Xanoy shahrida Hukumatlararo komissiya yig‘ilishi va biznes forumini samarali o‘tkazish muhimligi taʼkidlandi.
Izoh (0)