Kiyev AQSH tomonidan taqdim etilgan harbiy yordamni qarz sifatida qabul qilmaydi.
Bu haqda Ukraina prezidenti Vladimir Zelenskiy ma’lum qildi.
Uning so‘zlariga ko‘ra, Ukraina AQSHdan muhim foydali qazilmalar bo‘yicha yangi shartnoma loyihasini oldi, bu “avvalgi asos hujjatidan butunlay farq qiladi”.
“Biz qo‘llab-quvvatlash uchun minnatdormiz, lekin bu qarz emas va biz bunga yo‘l qo‘ymaymiz”, dedi Ukraina rahbari.
Avvalroq “Yevropa haqiqati” nashri o‘z qo‘lidagi hujjat nusxasiga tayanib, Ukraina va AQSH o‘rtasida mineral resurslar bo‘yicha yangi kelishuv loyihasi Kiyevdan ko‘rsatilgan barcha yordam uchun kompensatsiya to‘lashni talab qilishini, uning miqdori 120 milliard dollardan oshishi mumkinligini xabar qilgan edi.
26-mart kuni AQSH, Rossiya va Ukraina Ar-Riyodda muzokaralar o‘tkazib, bir qator kelishuvlarga erishgani ma’lum qilingandi.
Izoh (0)