AQSH prezidenti Air Force One samolyoti bortida jurnalistlar bilan suhbatda Rossiya prezidentiga ishonishini va uning to‘g‘ri yo‘l tutib, tinchlik kelishuvini imzolashini bildirgan. Bu haqda The Hill nashri yozmoqda.
Men Putin o‘z so‘zidan qaytadi deb o‘ylamayman. Uni anchadan beri taniyman. Biz har doim yaxshi chiqishib kelganmiz, dedi Tramp.
Shu bilan birga, AQSH prezidenti Putinning Ukrainada BMTning vaqtinchalik boshqaruvini joriy etish g‘oyasini qo‘llab-quvvatlamasligini ham bildirgan.
Putin oxirgi bir-ikki kun ichida aytgan ba’zi gaplar Ukraina prezidenti bilan bog‘liq. Putin Zelenskiyni ishonchli deb hisoblamasa ham, baribir u bilan kelishuvga erishishi kerak, deya fikr bildirdi Qo‘shma Shtatlar yetakchisi.
Shuningdek, Tramp NBC telekanalining Oq uy Rossiyaga tinchlik bitimini imzolash uchun bir oy muhlat bergani haqidagi xabarlarini rad etgan. U Putin uchun aniq bir muddat belgilanmaganini ta’kidlagan.
Bu psixologik muddat. Agar men ularning faqat vaqtni cho‘zayotganini bilsam, bu menga yoqmaydi, deya qo‘shimcha qilgan AQSH yetakchisi.
Izoh (0)