YCHL. “Real” va “PSJ” keyingi bosqichda, “Yuventus” turnirni tark etdi (video)

Futbol bo‘yicha Yevropa Chempionlar Ligasi o‘tish bosqichida javob o‘yinlari bo‘lib o‘tdi.

Manchesterdan g‘alaba bilan qaytgan “Real” Madridda ham “shaharliklar” klubi darvozasiga 3 ta gol urdi va nimchorak finalga yo‘llanma oldi. Madridliklar safida Mbappe xet-trikka erishdi. Niko qo‘shib berilgan daqiqalarda bgol urib hisob 3:1 bo‘lishini ta’minladi. “Manchester Siti” safida o‘zbekistonlik himoyachi Abduqodir Husanov to‘liq o‘yin o‘tkazdi.

“PSJ” “Brest” darvozasiga 7 ta to‘p kiritdi. Ikki o‘yin natijasiga ko‘ra fransuz klubi raqibini 10:0 hisobida tor-mor etdi.

“Borussiya” Dortmundda “Sporting” bilan golsiz durang qayd etdi va safardagi yirik g‘alaba hisobiga keyingi bosqichga chiqdi.

Turinda “Yuventus”ga mag‘lub bo‘lgan “PSV” o‘z maydonida asosiy vaqtda umumiy hisobni tenglashtirdi, qo‘shimcha bo‘limlarning birinchisida esa g‘alaba to‘pini kiritdi.

Shu tariqa 1/8 finalda Italiyadan faqat bir jamoa — “Inter” qoldi. Bir kun avvalgi (18-fevral) bahslardan so‘ng “Milan” va “Atalanta” ham turnirni tark etgandi.

YCHL.

1/8 finalga o‘tish bosqichi. Javob o‘yin

19-fevral, chorshanba

“Real” — “Manchester Siti” 3:1

Gollar: 1:0 — Mbappe (4), 2:0 — Mbappe (33), 3:0 — Mbappe (61), 3:1 — Niko (90+2).

“Real”: Kurtua, Mendi, Ryudiger, Asensio, Valverde (Alaba, 90), Bellinghem, Seballos (Kamavinga, 78), Chuameni (Modrich, 83), Rodrigo, Vinisius (Endrik, 90), Mbappe (Dias, 78).
“Manchester Siti”: Ederson, Gvardiol, Diash, Stounz (Ake, 8), Husanov, Niko Gonsales, Gundo‘g‘an (Kovachich, 77), Silva, Foden (Makeyti, 77), Marmush, Savio.
Ogohlantirishlar: Gundo‘g‘an (28), Bellinghem (38), Niko (47).
Birinchi o‘yin — 3:2.

“PSJ” — “Brest” 7:0

Gollar: Barkolya (20), Kvarasxeliya (39), Vitinya (59), Due (64), Mendesh (69), Ramush (76), Meyulyu (86).

“PSJ”: Donnarumma, Mendesh, Pacho (Kimpembe, 72), Markinos, Hakimi, Fabian Ruis (Li Kan In, 60), Vitinya, Joau Nevesh (Meyulyu, 72), Barkolya (Gonsalu Ramush, 61), Dembele (Due, 60), Kvarasxeliya.

“Brest”: Kuder, Aydara (Le Kardinal, 70), Kulibali, Shardonne, Zogbe, Fevr (Dumbiya, 70), Pereyra Laje, Fernandesh (Kamara, 60), Le-Melu (Marten, 82), Balde (Manetti, 60), Sima.

Ogohlantirishlar: Aydara (67), Le Kardinal (80).

Birinchi o‘yin — 3:0.

“Borussiya D” — “Sporting” 0:0

Aniq amalga oshirilmagan penalti: Girassi (59).

“Borussiya D”: Kobel, Svensson, Shlotterbek, Jan, Ryuerson, Gross, Zabitser (Anton, 89), Gittens (Bayer, 46), Brandt (Reyna, 69), Adeyemi (Bensebayni, 89), Girassi (Dyuranvil, 69).

“Sporting” Ruy Silva, Inasiu (Arauxo, 56), Diomande, Kuarejma, Biel (Moreyra, 56), Kenda (Anjush, 84), Mateus Reys, Simoynsh (Debast, 40), Yulmand (Britu, 46), Eshgayyu, Harder.

Ogohlantirish: Zabitser (74).

Birinchi o‘yin — 3:0.

“PSV” — “Yuventus” 3:1

Gollar: 1:0 — Perishich (53), 1:1 — Vea (63), 2:1— Saybari (74), 3:1 — Flamingo (98).

“PSV”: Benites, Ledesma (Malasiya, 78), Flamingo, Boskalli (Obispo, 106), Mauro Junior, Verman (Nagalo, 115), Shuten (Til, 72), Saybari, Perishich (Bakayoko, 85), Lang (Druix, 115), de Yong.

“Yuventus”: Di Gregorio, Vea, Gatti, Veyga (Kambiyazo 12, Mbangula 91), Kelli, Kopmeyners (Savona, 77), Lokatelli (Tyuram, 77), Konseysau (Yildiz, 77), Makkenni, Gonsales, Kolo-Muani (Vlahovich, 90).

Ogohlantirishlar: Shuten (53), Gatti (84), Savrna (94), Yildiz (100).

Birinchi o‘yin — 1:2.