Chempionlar Ligasida haftaning eng yaxshi o‘yinchisi bo‘lish uchun nomzodlar e’lon qilindi

UEFA matbuot xizmati Chempionlar Ligasi pley-offining ilk o‘yini yakunlariga ko‘ra haftaning eng yaxshi o‘yinchisi mukofoti uchun nomzodlarni e’lon qildi.

Ro‘yxatdan to‘rt nafar futbolchi joy oldi:

• Braziliyalik hujumchi Vinisius Junior (“Real”)
• Gretsiyalik hujumchi Vangelis Pavlidis (“Benfika”)
• Braziliyalik forvard Igor Payshao (“Feyenoord”)
• Gvineyalik hujumchi Seru Girassi ("Borussiya Dortmund")

Ma’lumot uchun, Vinisius “Manchester Siti”ga qarshi o‘yinda (3:2) ikkita golli uzatma amalga oshirdi. Girassi “Sporting” bilan o‘yinda (3:0) gol+assist qayd etdi. Payshao va Pavlidis esa o‘z jamoalarining g‘alabasini ta’minlagan yagona gollarga mualliflik qilishdi.

Chempionlar Ligasi pley-off bosqichining javob uchrashuvlari 18—19 fevral kunlari bo‘lib o‘tadi.