Qatar poytaxti Doha shahrida 17-dekabr kuni FIFA tomonidan The Best sovrinini taqdirlash marosimi o‘tkaziladi.
Marosimda har bir nominatsiyasi bo‘yicha g‘oliblar nomi eʼlon qilinadi.
Globo Esporteʼning xabar berishicha, “Real Madrid” va Braziliya terma jamoasi hujumchisi Vinisius Junior 2024-yilning eng yaxshi futbolchisiga atalgan sovringa ega chiqadi.
Kecha “Real” FIFA qitʼalararo kubogi finalida ishtirok etish uchun Dohaga yetib borgan edi. Shu bois braziliyalik hujumchi ham mazkur tadbirda ishtirok etishi kutilmoqda.
Avvalroq The Best — 2024 mukofotini topshirish marosimi onlayn tarzda tashkil etilishi aytilgandi.
Izoh (0)