Саудия Про Лигаси расмий вакили “Реал” футболчиси Винисиус Жуниор билан музокара олиб борилмагани ҳақида баёнот берди. Бу ҳақда Goal.com нашри хабар берди.
Унга кўра, Саудия клублари футболчини қўлга киритишга ҳаракат қилаётган бўлса-да, лига расмийлари бундай трансферларга аралашмайди.
Аввалроқ Саудия клублари 24 ёшли бразилиялик вингер билан учрашгани ва унга 1 млрд евролик шартнома таклиф қилгани ҳақида хабарлар тарқалган эди. Аммо кейинчалик бу трансфер амалга ошмади.
Саудия Про Лигаси маркетинг коммуникациялари бўйича бош менежери Муҳаммад Басрави бу борада Marca нашрига қуйидагиларни билдирган:
“Бу нозик масала. Очиқ айтсам, лига сифатида биз клубларнинг трансферлари бўйича шуғулланмаймиз. Винисиусни Саудия Арабистонида кўришни хоҳлармидик? Албатта. Аммо биз трансферларга аралашолмаймиз, булар клубларнинг шахсий иши”
Маълумот учун, Винисиус Жуниорнинг “Реал Мадрид” билан шартномаси 2027 йилгача амал қилади. Футболчи жорий мавсумни Ла Лига ва Чемпионлар Лигаси каби турнирлар ғолиби сифатида якунлашни мақсад қилган. Вингер шундан кейингина ўз келажаги ҳақида ўйлаб кўриши мумкинлиги айтилмоқда.
Изоҳ (0)