Madridning “Real” klubi sobiq skauti Manolo Romero jamoaning hozirgi va avvalgi hujum chizig‘ini taqqosladi.
“To‘g‘risini aytsam, Rodrigo Goez juda beqaror o‘yin ko‘rsatmoqda. U o‘z o‘rnini mustahkamlab ololmagan. U “Manchester Siti”ga qarshi o‘tkazgan sehrli daqiqalari bilan yashayapti, lekin bu “Real”. Bu boshqa daraja. Agar hozirgi tarkibda Garet Beyl, Krishtianu Ronaldu va Karim Benzema bo‘lganida, Vinisius va Rodrigo zaxira o‘rindig‘ida o‘tirgan bo‘lardi.
Ularning darajasiga yaqinlasha oladigan yagona futbolchi bu — Kilian Mbappe, u ham o‘zining eng yaxshi holatida bo‘lsa”, dedi Romero Sport.es nashriga bergan intervyusida.
Ma’lumot uchun, 18 turdan so‘ng Madridning “Real” klubi 40 ochko to‘plab, La Liga turnir jadvalida ikkinchi o‘rinda bormoqda. Keyingi turda Karlo Anchelotti shogirdlari “Valensiya” bilan uchrashadi.
27-dekabr kuni Globe Soccer Awards-2024 taqdirlash marosimi bo‘lib o‘tdi.
Unda “Real Madrid” hujumchisi Vinisius Junior yilning eng yaxshi futbolchisi deb topildi. Anchelotti esa eng yaxshi murabbiy mukofotini qabul qilib oldi.
Izoh (0)