Madridning “Real” klubi yosh iqtidorlar Arda Gyuler va Endrikni ko‘proq o‘yin amaliyotiga ega bo‘lishi uchun Bundesliga klublariga ijaraga berish variantini ko‘rib chiqmoqda. Bu haqida Sport Bild nashri xabar bermoqda.
Madridliklar ushbu futbolchilar “Real”da kam o‘ynayotganidan xavotirda va ularning rivojlanish jarayonini tezlashtirishni xohlamoqda. Joriy mavsumda Gyuler va Endrik bosh murabbiy Karlo Anchelotti qo‘l ostida kam o‘yin amaliyotiga ega bo‘lishmoqda. Turkiyalik yarim himoyachi Yevro-2024’dagi yorqin ishtirokidan so‘ng “Real” tarkibida muhim rol o‘ynashi kutilgan edi, biroq hozirgacha barcha turnirlarda 1000 daqiqadan kam vaqtni maydonda o‘tkazdi. Endrik “Real” safida 6 gol urgan, ammo Kilian Mbappe, Vinisius Junior, Rodrigo va Braim Dias bilan raqobatda imkoniyatni boy bermoqda.
Manbaga ko‘ra, “Leypsig” Gyuler va Endrikni ijaraga olish niyatida. “Ayntraxt” esa faqatgina turkiyalik futbolchiga qiziqish bildirmoqda. Biroq “Real” ularni faqat 2025/26-yilgi Chempionlar Ligasida qatnashadigan jamoalarga ijaraga berishga tayyor, chunki bu futbolchilarga yuqori saviyadagi o‘yinlarda tajriba orttirish imkoniyatini yaratadi deb hisoblamoqda.
Izoh (0)