Madriddagi “Real” klubi bosh murabbiyi Karlo Anchelotti “Atletiko”ga (1:1) qarshi o‘ynagan ba’zi futbolchilarning xatti-harakatlaridan g‘azablangan. Bu haqda Footmercato xabar bermoqda.
Manbaga ko‘ra, italiyalik murabbiy to‘rt futbolchining ko‘rsatgan o‘yinidan norozi bo‘lgan. Bular — Kilian Mbappe, Jud Bellingem, Vinisius Junior va Rodrigo. Aynan shu futbolchilarga “fantastik to‘rtlik” deya nom berilgan.
Anchelotti futbolchilarning hujumlar paytida o‘zlarining individual harakatlariga e’tibor berishi oqibatida, ko‘pincha jamoadoshlarini e’tiborsiz qoldirayotganidan g’azablangan. Shuningdek, murabbiy ularning himoyadagi o‘yiniga ham norozilik bildirgan — hujumchilar himoyaga umuman qaytmagan yoki juda sekin qaytgan.
Anchelotti futbolchilardan uning fikrlaridan xulosa qilishi kerakligini, aks holda boshlang‘ich tarkibda o‘zgartirishlar kiritishga tayyorligini bildirgan.
Ma’lumot uchun, bugun 11-fevral kuni “Real” “Man Siti”ga qarshi maydonga tushadi.
Izoh (0)