Futbol bo‘yicha Yevropa Chempionlar Ligasi 1/8 final uchrashuvi doirasidagi bir nechta bahslar bo‘lib o‘tdi. “Real” o‘z maydonida hamshahari “Atletiko”dan ustun kelgan bo‘lsa, “Arsenal” safarda “PSV”ni yirik hisobda mag‘lub etdi.
Madridda kechgan bahsda tezkor gol kiritildi. O‘yinning 4-daqiqasida Rodrigo “qirollik klubi”ni hisobda oldinga olib chiqdi. 32-daqiqada esa Xulian Alvares chiroyli gol bilan muvozanatni tiklab qo‘ydi. Ikkinchi taym boshida esa Braim Dias “Real”ga g‘alaba keltirgan gol muallifiga aylandi. Yakuniy hisob 2:1.
Niderlandiyada kechgan bahsda esa darvozalarga 8 ta to‘p kiritildi. “Arsenal” gollariga Timber, Nvaneri, Merino, Trossard, Kalafori va Edegor (dubl) mualliflik qildi. “PSV” kiritgan yagona to‘p esa Noa Lang nomiga yozildi.
YCHL
4-mart, seshanba
1/8 final bosqichi
“Real” — “Atletiko” 2:1
Gollar: 1:0 — 4, Rodrigo, 1:1 — 32 Alvares, 2:1 — Dias, 52.
“Real”: Kurtua, Valeverde (Vaskez, 82), Ryudiger, Mendi, Dias (Endrik, 89), Chuameni, Kamavinga (Modrich, 62), Rodrigo, Mbappe, Vinisius.
“Atletiko”: Oblak, Lyorente, Ximenes, Langle, Galan, Simeyone (Molina, 64), Barrios (Korrea, 75), De Paul (Sorlot, 75), Dias Lino (Gallaxer, 64), Alvares, Grizmann (Le Norman, 71).
“PSV” — “Arsenal” 1:7
Gollar: 0:1 — 18, Timber, 0:2 — 21, Nvaneri, 0:3 — 31, Merino, 1:3 — 43, Noa Lang, 1:4 — 47, Edegor, 1:5 — 48, Trossard, 1:6 — 73, Edegor, 1:7 — 85, Kalafori.
“PSV”: Benites, Ledezma (Karsdorp, 65), Flamingo (Nagola, 46), Boskali (Obispo, 82), Malasiya, Saybari (Verman, 82), Shuten, Til, Perishich, De Yong (Bakayoko, 65), Lang.
“Arsenal”: Raya, Lyuis-Skelli (Kalafori, 35), Gabriel, Saliba, Timber (Uayt, 77), Edegor, Parti (Zinchenko, 71), Rays, Trossard, Merino (Tirni, 77), Nvaneri (Sterling, 71).
Shuningdek, “Bryugge” — “Aston Villa” va “Borussiya D” — “Lill” uchrashuvlari ham bo‘lib o‘tdi. Belgiyada kechgan bellashuvda ingliz klubi 3:1 hisobida g‘alaba qozongan bo‘lsa, Germaniyadagi o‘yinda durang qayd etildi — 1:1.
Ma’lumot uchun, ushbu jamoalar o‘rtasidagi javob uchrashuvi 13-mart kuni o‘tkaziladi.
Izoh (0)