Ispaniya chempionatining 25-turi doirasidagi “Real Madrid” – “Jirona” uchrashuvi 23-fevral, yakshanba kuni bo‘lib o‘tdi.
Uchrashuvni maydon egalari faol boshladi. Biroq xavfli vaziyatlar ko‘kka sovurildi. Mehmonlar esa yaxshi himoyalandi. 41-daqiqaga kelib esa ushbu o‘yinda hisob ochildi. Luka Modrichning uzoq masofadan darvoza tomon yo‘llagan zarbasi aniq bo‘ldi.
Ikkinchi bo‘limdagi ssenariy ham birinchisidan farq qilmadi. 83-daqiqaga kelib Vinisius Mbappening uzatmasidan so‘ng gol urib, hisobni ikkitaga oshirdi.
Shunday qilib, madridliklar o‘z hisobiga 3 ochkoni qo‘shib qo‘ydi. Ushbu g‘alabadan so‘ng Anchelotti shogirdlari 54 ochko bilan turnir jadvalida 2-o‘rinni egallab turibdi.
Izoh (0)