Saudiya Arabistoni klublari “Real Madrid” va Braziliya terma jamoasi vingeri Vinisius Juniorga 1 mlrd yevro to‘laydi. Bu haqda Relevo xabar bermoqda.
Nega 1 mlrd yevro?
Saudiyaliklar Vinisius uchun “Real Madrid”ga 350 mln yevro to‘lashga tayyor. Futbolchining o‘ziga esa 5 yilga 1 mlrd yevro beriladi.
Saudiya Arabistoni 2034-yilgi Jahon Chempionatiga mezbonlik qilish huququni qo‘lga kiritgach, mamlakat rahbariyati futbolga sarmoyani yana-da oshirishga tayyor.
"Real Madrid" va Anchelottining munosabati
Madridning “Real” klubi matbuotda paydo bo‘lgan shov-shuvlardan xabardor, lekin vahimaga tushmayapti. Sababi Vinisiusning “Real” bilan shartnomasi 2027-yilgacha amal qiladi va unda 1 milliard yevro miqdorida tovon puli belgilangan.
“Qirollik klubi” futbolchini sotish niyatida emas va kelajakda shartnomani qachon uzaytirishni o‘zi hal qiladi.
Jamoa bosh murabbiyi Karlo Anchelotti ham bu kabi gap-so‘zlarga izoh bergandi.
“Bu savolni Vinisiusning o‘ziga berishingiz kerak. Men faqat ko‘rganimni ayta olaman: u jamoada baxtli, bu yerda tarix yaratmoqda va “Real” qolishni istaydi”, — degan italiyalik mutaxassis.
Maʼlumot uchun, joriy mavsumda Vinisius 32 ta uchrashuvda maydonga tushib, 16 ta gol urdi va 12 ta golli uzatma muallifi bo‘ldi.
Izoh (0)