“Real” UEFA Chempionlar Ligasi 1/8 final doirasidagi bahsda Madridning boshqa bir jamoasi “Atletiko”ni mag‘lub etib, chorak final yo‘llanmasiga ega chiqqach, Vinisius Juniorning ijtimoiy tarmoqdagi sahifasida qoldirgan izohi shov-shuvlarga sabab bo‘ldi.
Futbolchi o‘zining X’dagi (sobiq Twitter) sahifasida Madridda yagona jamoa borligini aytdi.
Madridda yagona jamoa bor! Bu qaysi klub ekanligini hammamiz bilamiz. O‘z ustimizda ishlashda davom etishimiz va keyingi o‘yinlarda yanada yaxshiroq o‘ynashga harakat qilishimiz kerak! Dunyoning eng buyuk klubining bir qismi bo‘lish ajoyib tuyg‘u!, deb yozdi braziliyalik futbolchi.
“Real” 12-mart kuni 1/8 final doirasida “Atletiko”ga qarshi bahs olib bordi. Javob o‘yini 1:0 hisobida raqib foydasiga yakunlangan bo‘lsa-da, umumiy hisobda tenglik edi (birinchi o‘yin 2:1, “Real” g‘alabasi). G‘olib nomi penaltilar seriyasida aniqlandi va “qaymoqranglilar” 4:2 g‘alaba qozonib, keyingi bosqichga yo‘l oldi.
Ma’lumot uchun, braziliyalik futbolchi joriy mavsum 38 uchrashuvda maydonga tushib, 18 ta gol va 11 ta golli uzatma qayd etdi.
Izoh (0)