Toshkent shahri va Samarqand viloyatida yuk mashinalari sabab salkam 6 ming xonadon gazsiz qoldi. Bu haqda Energetika vazirligi axborot xizmati xabar berdi.
Keltirilishicha, Toshkent shahrining Yashnobod tumanidagi yuqori bosimli gaz quvuriga yuk mashinasining urilishi natijasida gaz sizib chiqishi kuzatilgan. Natijada “Bog‘bon” MFYdagi 300 ta yerli xonadon va “Arg‘in” MFYdagi 400 ta yerli xonadon hamda 15 ta ulgurji iste’molchida gaz ta’minoti vaqtincha to‘xtatildi.
Shuningdek, Samarqand viloyatining Payariq tumanidagi yuqori bosimli gaz quvuriga yuk mashinasining shikast yetkazishi natijasida gaz sizib chiqish holati kuzatildi. Buning natijasida 5200 ta xonadon va 81 ta ulgurji iste’molchida gaz ta’minoti vaqtincha to‘xtatildi.
Ayni vaqtda tuman gaz ta’minoti bo‘limlarining avariya tiklash brigadalari tomonidan ta’mirlash ishlari olib borilmoqda.
Avariya tiklash ishlari yakunlangandan so‘ng iste’molchilarni ogohlantirgan holda gaz ta’minoti qayta tiklanadi.
2025-yil 12-fevral kuni viloyatdagi Karaktay gaz quvuri tarmog‘ining muhofaza maydonida noma’lum ekskavator tomonidan olib borilgan yer qazish ishlarini bajarish vaqtida gaz quvuriga shikast yetkazilgan. Shu munosabat bilan Qashqadaryo viloyatidagi 28 229 ta aholi va 716 ta ulgurji iste’molchilarda gaz ta’minot vaqtincha to‘xtatilgan.
Bundan tashqari, poytaxtda ham shu holat sodir bo‘lgan. Toshkent shahri Yakkasaroy tumani, Bobur ko‘chasida 8-noyabr kuni ekskavator yordamida qazish ishlari olib borilayotganda, ehtiyotsizlik oqibatida o‘rta bosimli gaz quvuriga shikast yetkazilgan. Natijada Yakkasaroy va Mirobod tumanlarida tabiiy gaz tarmog‘idan vaqtincha o‘chirilgan.
Izoh (0)