Toshkent viloyatida mantiyasiz, bayonnoma yuritmay sud ishini ko‘rgan sudyaning ogohlantirilishi, Toshkent viloyatida it tishlagan 4 yoshli bolaning ahvoli haqida maʼlumot berilishi, Boysundagi konda portlatish ishlari amalga oshirilganining rad etilishi — “Daryo” nashri bugun, 18-oktyabrda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Surxondaryoda Nexia-3 yuqori bosimli gaz quvuriga urildi
Denov tumanidagi 3 ming 950 ta aholi va 20 ta ulgurji iste’molchida tabiiy gaz ta’minoti vaqtincha to‘xtatilgan.
“Tolibon” nega qo‘shni davlatlarga tahdidli murojaatlar yo‘llamoqda. Unga ishonsa bo‘ladimi?
“Men ‘Tolibon’ o‘zgarganiga ishonmayman. Afg‘onistonning oxirgi prezidenti Ashraf G‘ani Kobulni tark etayotganida ‘Tolibon’ o‘sha eski ‘Tolibon’ ekanini aytib ketgandi. Biroz o‘ylab ko‘rsak, agar ‘Tolibon’ dunyo davlatlari bilan hamkorlik qilishga xayrixoh ekan, nega unda qo‘shni mamlakatlarga tahdidona murojaatlar yo‘llamoqda? Masalan, Qo‘shtepa kanalini mintaqa davlatlari bilan bemaslahat qurishni boshladi. Janubga yo‘l deymiz, lekin bu loyihalar 30 yildan beri mavjud. Nega ular ishga tushmayapti? Bularni amalga oshmasligiga bir dona sabab mavjud”, deydi suhbatdoshlardan biri siyosatshunos Farhod Tolipov.
Buxoroda saksovul o‘g‘rilari 252 mln so‘m tovon to‘laydigan bo‘ldi
Viloyatda sentyabr—oktyabr oylari davomida saksovul bilan bog‘liq 25 ta huquqbuzarlik aniqlangan.
Mudir vazirga qarshi: Olmazor MMTB mudiri direktorlarga maktab oshxonasini auksionda sotish haqida topshiriq berdi
Rustam Aydinov tumandagi barcha maktab direktorlarini maktab oshxonalarini auksion savdoga chiqarishga majburlamoqda.
Shavkat Mirziyoyev Respublika ixtisoslashtirilgan ona va bola salomatligi markazi jamoasini tabrikladi
Prezident ushbu markaz tashkil etilganining 50 yilligi munosabati bilan tabrik yo‘lladi.
Toshkent viloyatida mantiyasiz, bayonnoma yuritmay sud ishini ko‘rgani uchun sudya ogohlantirildi
Holat yuzasidan Sudyalar oliy kengashi ma’lumot berdi.
Toshkent viloyatida it tishlagan 4 yoshli bolaning ahvoli haqida ma’lumot berildi
Holat aks etgan video ijtimoiy tarmoqlarda keng tarqalgandi.
Samarqandda sifatsiz qurilayotgan talabalar yotoqxonasi qurilishi to‘xtatildi (video)
Holat inspeksiya xodimlari tomonidan reyd tadbirlari davomida aniqlangan.
Shavkat Mirziyoyev Imom Termiziyga bag‘ishlangan xalqaro anjuman ishtirokchilariga murojaat yo‘lladi
Anjumanda Turkiya, Qatar, Misr, BAA, Hindiston, Qirg‘iziston kabi davlatlardan tashrif buyurgan 50 dan ortiq taniqli olim va ulamolar ishtirok etmoqda.
Qashqadaryoda sudya yordamchisi sud raisini sudga berdi
Sobiq sudya yordamchisi Fuqarolik ishlari bo‘yicha Qarshi tumanlararo sudi raisi buyrug‘ini bekor qilish uchun aynan shu sudning o‘ziga murojaat qilgan.
Boysundagi konda portlatish ishlari amalga oshirilishi rad etildi
Surxondaryo viloyati hokimligi bayonot bilan chiqdi.
Ijtimoiy himoya agentligi direktoriga yangi o‘rinbosar tayinlandi
Ushbu lavozimni Maktabgacha va maktab ta’limi vaziri birinchi o‘rinbosari bo‘lib ishlagan Usmon Sharifxo‘jayev egalladi.
Sergelida uy uchun kredit olib berish evaziga 61 ming dollar olgan ikki nafar shaxs ushlandi
Bank filialining ikki nafar yetakchi mutaxassisi fuqaroga yangi qurilayotgan uylardan birini kredit evaziga xarid qilish uchun ipoteka krediti ajratib berishni va’da qilgan.
Mirzo Ulug‘bek tumanidagi ko‘chalardan biri qariyb 2 oyga yopiladi
Bunga ko‘chaning 7/24 tizimiga aylantirilishida olib boriladigan taʼmirlash ishlari sabab bo‘ladi.
“O‘zbekiston Yevrosiyo iqtisodiy ittifoqida kuzatuvchi maqomida qoladi” — Akmal Saidov
Shuningdek, O‘zbekiston hech qanday harbiy tuzilmalarga qo‘shilmasligi aytildi.
Izoh (0)