Qashqadaryoda noma’lum ekskavator tomonidan olib borilgan yer qazish ishlarini bajarish vaqtida gaz quvuriga shikast yetkazilgani aniqlandi.
Bildirilishicha, viloyatdagi Karaktay gaz quvuri tarmog‘ining muhofaza maydonida noma’lum ekskavator tomonidan olib borilgan yer qazish ishlarini bajarish vaqtida gaz quvuriga shikast yetkazilgan. Nosozlikni bartaraf etish maqsadida bugun Karaktay gaz quvuri tarmog‘idan tabiiy gaz ta’minotini amalga oshiruvchi “Jalilbek” va “Karaktay” gaz taqsimlash stansiyalarining faoliyati vaqtincha to‘xtatiladi.
Shu munosabat bilan Qashqadaryo viloyatining quyidagi hududlaridagi 28 229 ta aholi va 716 ta ulgurji iste’molchilarda gaz ta’minot vaqtincha to‘xtatiladi:
- Qarshi shahri “Arabxona”, “Shayxali”, “Nasaf”, “Darvozatutak”, “Qarliqxona”, “Geolog”, “Otchopar”, “Zog‘za”, “Qo‘rg‘oncha”, “Navro‘z”, “Chaqar”, “Charmgar”, “Bog‘ishamol”, “Eskianhor”, “Roguzar”, “Samarqand”, “Yangi Chaman”, “Aral”, “Xudoyzod”, “Qarliqbag‘ot”, “Gulshan”, Alisher Navoiy, “Kunchiqar”, “Komilon”, “Beklar”, “Mahsumobod”, “Mahallot”, “Taraqqiyot”, “Mustaqillik”, “Ravoq” MFYlari va 1-2-m/t.
- Qarshi tumani “Bog‘obod”, “Yertepa”, “Ko‘chkak”, “Mustaqillik qo‘rg‘oni”, “Parg‘o‘za” MFYlari.
- Koson tumani “Ko‘lbuqa”, “Xo‘jaqo‘rg‘on”, “Nasaf” MFYlari.
Ta’mirlash ishlari yakunlangandan so‘ng gaz ta’minoti qayta tiklanadi.
Shu kabi holat Toshkentda ham kuzatilgandi. Toshkent shahri Yakkasaroy tumani, Bobur ko‘chasida 8-noyabr kuni ekskavator yordamida qazish ishlari olib borilayotganda, ehtiyotsizlik oqibatida o‘rta bosimli gaz quvuriga shikast yetkazilgan. Natijada Yakkasaroy va Mirobod tumanlarida tabiiy gaz tarmog‘idan vaqtincha o‘chirilgan.
Izoh (0)