Surxondaryo viloyatining Uzun tumanida ona va bola o‘ldirilib, uyi yoqib yuborildi. Bu haqda Bosh prokuratura matbuot xizmati “Daryo”ga xabar berdi.
Maʼlum qilinishicha, tumanning “Yangiyo‘l” mahallasida yashovchi fuqaro Sh.E. 15-fevral kuni soat 03:39 larda tuman IIB navbatchilik qismiga murojaat qilib, unda qo‘shnisi M.R.ning xonadonida yong‘in bo‘layotganligini maʼlum qilgan.
Mazkur xabarga ko‘ra tezkor-tergov guruhi voqea joyiga yetib borganida, fuqaro M.R. va voyaga yetmagan farzandi O.H.ning bosh qismidan olgan tan jarohatlari bilan murdalari topilgan.
Shuningdek, bosh sohasidan olgan tan jarohati bilan voyaga yetmagan M.H. va Z.H. tuman tibbiyot birlashmasi jonlantirish bo‘limiga yotqizilgan.
Holat yuzasidan JKning 97-moddasi 2-qism “a” bandi (qasddan odam o‘ldirish ikki yoki undan ortiq shaxsni) bilan jinoyat ishi qo‘zg‘atilib, dastlabki tergov harakatlari olib borilmoqda
2024-yilda Toshkent viloyatining Yangiyo‘l tumanida erkak bir oilaning 5 nafar a’zosini o‘ldirib, uyini yoqib yuborgandi.
Izoh (0)