Hindiston bosh vaziri Narendra Modining xorijga safari chog‘ida samolyotini portlatmoqchi bo‘lishdi. Bu haqda Hindustan Times xabar berdi.
Politsiyaga samolyotga hujum rejalashtirilgani haqida ogohlantiruvchi qo‘ng‘iroq kelib tushgan. Tegishli ogohlantirish 11-fevral kuni olingan. Politsiya ma’lumotning jiddiyligini hisobga olib, boshqa agentliklarni xabardor qilgan va tergovni boshlagan.
Mumbayning Chembur tumanidan qo‘ng‘iroq qilgani aytilayotgan shaxs qo‘lga olingan. U ruhiy kasallikka chalingani aniqlangan. Xabar yolg‘on bo‘lgani haqida ma’lumot mavjud emas.
Modi 10-fevral kuni Fransiya va AQSHga to‘rt kunlik tashrifini boshladi. Parijda sun’iy intellektni rivojlantirish bo‘yicha sammit doirasida u Alphabet bosh direktori Sundar Pichai bilan uchrashdi. Modi u bilan sun’iy intellekt Hindistonga olib keladigan “aql bovar qilmaydigan imkoniyatlar”ni muhokama qildi.
12-fevral feval kuni u prezident Donald Trampning taklifiga binoan AQSHga keladi. Tramp prezidentlikka kirishgach, AQSHga tashrif buyurgan to‘rtinchi jahon yetakchisi Modi bo‘ladi. Avval AQSHga Isroil, Yaponiya bosh vazirlari va Iordaniya qiroli tashrif buyurgandi.
Izoh (0)