Turkiyaning Sakarya provinsiyasida 30 yoshli erkak ishsizlik va turmushidagi muammolar tufayli yuzaga kelgan janjalda ov miltig‘ida otib o‘ldirdi. Bu haqda Son Dakika xabar berdi.
Onasi janjal vaqti o‘g‘lini ishlamasligi va uylanmagani uchun tanqid qilgan. Voqeadan so‘ng o‘g‘il 112 xizmatiga qo‘ng‘iroq qilib, bedarak yo‘qolganini aytgan. Keyin esa u jandarmeriya xodimlari tomonidan topilgach, qotillik sodir etganini tan olgan.
Politsiya xodimlari qotillik yuz bergan uyga borganida 62 yoshli ayolning jasadiga duch kelgan. Marhumaning jasadi voqea joyida o‘tkazilgan tergov ishlaridan keyin o‘likxonaga yuborilgan. Hozirda tekshiruv ishlari olib borilmoqda. Uydan topilgan barcha dalillar tekshirish uchun tegishli bo‘linmaga yuborilgan.
O‘g‘ilning otasi hodisa payti tuman markazida bo‘lgan. Gumonlanuvchi sud majlisidan so‘ng hibsga olinib, qamoqxonaga jo‘natilgan.
Onasini o‘ldirish bilan bog‘liq dahshatli hodisa 2023-yilda Tojikistonda yuz bergandi. O‘shanda 32 yoshli erkak onasini 136 marta pichoq urib o‘ldirgan. Qo‘lga olingan shaxs va 65 yoshli marhuma o‘rtasida janjal kelib chiqqandi. Ular o‘rtasidagi mojaro sabablari ma’lum qilinmagan. Ayol ruhiy kasallikdan aziyat chekkan va 1993-yildan beri mahalliy ruhiy shifoxonada ro‘yxatga olingan.
Izoh (0)