Rossiya prezidenti Vladimir Putin 28-noyabr kuni Ostonaga tashrifida Ukraina prezidenti Vladimir Zelenskiyning ofisiga raketalar uchirilishi mumkinligini aytgandi. Zelenskiy mazkur tahdidga javob qaytardi.
Siyosatchining ta’kidlashicha, Qozog‘istonga tashrifi chog‘ida Putin yana o‘z raketalarini “o‘ldirish va yo‘q qilishga tayyorligini” ko‘z-ko‘z qildi.
Putin Ukrainaga allaqachon zarba bergan minglab raketalarga yana minglab raketani qo‘shmoqchi ekani ko‘rinib turibdi. Unga bu urushning tugashi kerak emas. Bundan tashqari, Putin boshqalarning ham bu urushni tugatishiga yo‘l qo‘ymaslikni istaydi. Hozirgi paytda u o‘zining “Oreshnik” raketasini faqatgina prezident Trampning inauguratsiyadan so‘ng amalga oshiradigan harakatlarini yo‘qqa chiqarish uchun ko‘z-ko‘z qilishi mumkin, dedi siyosatchi.
Uning so‘zlariga ko‘ra, Putin hozirgi vaziyatni shunday keskinlashtirishni xohlaydiki, Donald Tramp “hech narsaga erisholmasin” va urushni tugata olmasin.
Putin bu urushning yagona aybdori va urushga ishonadigan yagona odam. Aynan shuning uchun ham Putinning hozirgi eskalatsiyasi keyinchalik Amerika prezidentini Rossiya shartlariga rioya qilishga majburlash uchun bosimdir, dedi u.
Putinning tahdidi
Putin Kiyevdagi “qaror qabul qiluvchi markazlar” Rossiya qo‘shinlari 21-noyabr kuni Dneprga hujum qilgan “Oreshnik” o‘rta masofali ballistik raketasi uchun keyingi nishonga aylanishi mumkinligini aytdi.
Rossiya rahbari Ukraina go‘yoki “Moskva va Sankt-Peterburgdagi muhim davlat obyektlariga bir necha bor zarba berishga uringan” deb ta’kidladi.
Putin Ukrainadagi “qaror qabul qilish markazlari”ga zarba haqidagi savolga javob berar ekan, "bugun kun davomida har qanday narsa sodir bo‘lishi mumkin”, degan fikrni bildirdi.
Izoh (0)