Rossiya harbiylari jang maydonida zirhli texnikalarning katta yo‘qotishlari tufayli otlarga o‘ta boshladi. Bu haqda Forbes xabar berdi.
Jurnalistlar ta’kidlashicha, Ukrainada Rossiya texnikasining yo‘qotishlari 15 mingtadan oshgan. Yangi texnika ishlab chiqarish esa ortda qolmoqda. Sovuq urush davridagi eski texnika zaxiralari 2024-yil oxirida tugab qolgan. Bu esa Rossiyaning ayrim harbiylarini oxir-oqibat otlarga o‘tishga majbur qilgan.
“Rossiya mexanizatsiyalashgan polklari yiliga 6000 ta zirhli texnikani yo‘qotmoqda. Bu Rossiya zavodlari uchun ularni o‘rnini to‘ldirish imkoniyatidan ancha yuqori. Rossiya yiliga taxminan 200 ta yangi BMP-3 jangovar mashinasi va 90 ta yangi T-90M tanki, shuningdek, boshqa yangi zirhli mashinalar, jumladan, BTR-82 jangovar mashinalarini ishlab chiqaradi”, deyiladi xabarda.
Bunday “mexanizatsiyadan mahrum bo‘lish” Rossiya piyodalarini Ukraina artilleriyasi oldida zaif qilib qo‘ymoqda. Jurnalistlar bu Rossiya urushda mag‘lub bo‘layotganini anglatmasligi, chunki Ukraina ham jiddiy qiyinchiliklarga duch kelayotganini aytdi.
“Rossiya armiyasi katta yo‘qotishlarga uchramoqda. Biroq ular ko‘plab yo‘nalishlar bo‘yicha oldinga siljishda davom etmoqda, bu yerda Ukrainaning mudofaasi inson kuchining yetishmasligi tufayli zaiflashgan va Rossiya shu joylarda o‘zining ustun kuchlarini jamladi”, deydi jurnalistlar.
Izoh (0)