AQSH prezidenti Donald Tramp joriy yilning bahorida Ukrainadagi urushni yakunlamoqchi. Bu haqda The Independent xabar berdi.
Manbalarga ko‘ra, Tramp Ukrainani qo‘llab-quvvatlashdan voz kechishi va mamlakat uchun og‘riqli murosaga borishi mumkinligi haqidagi xavotirlar o‘rinsiz.
Ukrainadan xavotirda bo‘lganlar inauguratsiyada Araxamiya (“Xalq xizmatchisi” fraksiyasi rahbari David Araxamiya ) ishtirok etganiga e’tibor berishi kerak. Bu juda muhim qadam bo‘lib, Donald Trampning ushbu jarayon oxirida Ukraina bilan yaxshi kelishuvni ta’minlash niyatini ko‘rsatadi. Bu asablarni tinchlantirishi kerak, dedi anonim manbalardan biri.
Tramp Ukrainadagi urushni hal qilish masalasiga jiddiy yondashmoqda. Oq uy rahbari Ukraina prezidenti Vladimir Zelenskiy bilan yaqin orada uchrashishi kutilmoqda.
Zelenskiy inauguratsiyaga o‘zi borishni iloji yo‘q deb hisobladi, lekin u o‘zining ikkinchi odamini (Araxamiya) yubordi, u juda hurmat bilan munosabatda bo‘ldi, deb tushuntirdi manba.
Araxamiya Ukraina rasmiy delegatsiyasi AQSH prezidenti bilan fevral oyida uchrashishi mumkinligini aytdi. U hozirda Tramp ikki davlat o‘rtasidagi urushni tugatish uchun “ikki tomonlama o‘yin” o‘tkazayotganiga e’tibor qaratdi. Xususan, Rossiya prezidenti Vladimir Putin mojaro tugamaguncha AQSH Kiyevni harbiy jihatdan qo‘llab-quvvatlashni davom ettirishga tayyorligi haqida ogohlantirilgan. Shu bilan birga, AQSH prezidenti Zelenskiy ham “farishta” emasligini aytgan.
Bunday yondashuv Tramp ma’muriyatidagi urush va Ukraina qanday qo‘llab-quvvatlashga loyiqligi bo‘yicha kelishmovchiliklarni aks ettiradi, deya ta’kidladi jurnalistlar. Shunga qaramay, AQSH prezidenti urushni bahorda yakunlash niyatida ekanini ochiq aytdi.
Izoh (0)