Ukraina prezidenti Vladimir Zelenskiy ikkinchi muddatga o‘z nomzodini qo‘yish to‘g‘risida qaror qabul qildi. Bu haqda prezident qurshovidagi odamlarga tayanib, Telegraf xabar berdi.
Hozirda Zelenskiy nomzodini ilgari surishi borasida ochiq ma’lumot bermagan. Prezidentning asosiy raqibi Buyuk Britaniyada elchi bo‘lib ishlayotgan Ukraina armiyasi sobiq bosh qo‘mondoni Valeriy Zalujniy bo‘lishi mumkin.
“U nomzodini ilgari surmasa, prezidentlik saylovlarida Zelenskiy g‘alaba qozonish imkoniyatiga ega. Turli siyosiy kuchlar, jumladan, “Batkivshina” yetakchisi, sobiq bosh vazir Yuliy Timoshenko, sobiq prezident Pyotr Poroshenko va hatto amaldagi prezident ham saylovoldi kurashida Zalujniy nomidan foydalanishga urinmoqda”, deyiladi xabarda.
Ta’kidlanishicha, prezident idorasi rahbari Andrey Yermak Zalujniyga agar u saylovda o‘z nomzodini ko‘rsatmasa, Zelenskiy tomonida ishtirok etsa, “Xalq xizmatchisi” partiyasi ro‘yxatida birinchi o‘rinni va Oliy Rada spikeri o‘rnini olishi mumkinligini aytgan.
“Aks holda, sobiq Ukraina armiyasi qo‘mondoni rahbariga jinoiy javobgarlik tahdid solmoqda, masalan, 2022-yilda Xersonni Rossiya qo‘shinlariga topshirish ishi bo‘yicha”, deydi siyosiy doiralardagi noma’lum manbalar.
Telegraf so‘roviga javoban Zalujniy o‘zining siyosiy rejalari haqida izoh berishni rad etgan. U qisqacha “Avvalo biz davlatchiligimizni saqlab qolamiz. Keyin gaplashamiz”, deya javob bergan.
Ilgari Vladimir Zelenskiy urush paytida saylov o‘tkazish mumkin emasligi haqida bir necha bor aytgandi.
“Dunyoda hech kim Ukrainada saylov o‘tkazishni talab qilmagan va qilmayapti. Avval Ukraina adolatli tinchlikka erishishi kerak, shundan so‘ng ukrainaliklar adolatli saylov o‘tkazadi”, degan edi u.
Telegraf ma’lumotlariga ko‘ra, frontdagi og‘ir vaziyat va saylov jarayonini qanday tashkil etishni tushunmasliklariga qaramasdan, Ukrainadagi turli siyosiy kuchlar “kelgusi saylovlar bo‘yicha muntazam maslahatlashuvlar olib bormoqda”.
Izoh (0)