Netflix nihoyat platformaning butun tarixi davomidagi eng mashhur shou — “Kalmar o‘yini”ning uzoq kutilgan ikkinchi mavsumini taqdim etdi. Qiziqarli syujet, ramziy kiyimlar va yorqin dekoratsiya, shuningdek, yangi va sevimli qahramonlardan iborat aktyorlar tarkibi tufayli serial darhol ommalashdi. Lekin serialda shunday detallar borki, ular sinchkov tomoshabinlarni o‘ylantirib qo‘ymoqda.
- In Xoning soch turmagi xuddi San Unikiday
- In Xo sut ichmaydi
- Ki Xun jamoasi oxirgi bo‘lib o‘ynaydi
- Balandlikdagi o‘yin
- Shaxmat
- In Xoning xotinini qutqarish uchun imkoniyati bo‘lgan
- Titrdan keyingi sahna
In Xoning soch turmagi xuddi San Unikiday
In Xo o‘yin boshidan beri o‘zi yaratgan bahsli vaziyatlarda Ki Xunning reaksiyasini kuzatib boradi. Masalan, In Xo ovoz berish paytida ko‘k tugmani bosganida Ki Xunning bunga munosabatini ko‘rish uchun darhol o‘giriladi. Shuningdek, In Xoning soch turmagi birinchi mavsumdagi Ki Xunning do‘sti San Uning soch turmagi bilan bir xil. Ehtimol, u shu yo‘l bilan Ki Xunda o‘ziga yaqinlashtiruvchi his-tuyg‘ularni uyg‘otmoqchi yoki aksincha, uning g‘azabini qo‘zg‘atmoqchi bo‘lgandir.
In Xo sut ichmaydi
Bundan tashqari, In Xo Ki Xun ustidan ochiqchasiga kulayotganga o‘xshaydi. Birinchi mavsumda 456-raqamli o‘yinchi ovqat hazm qilish muammosi borligini aytib, shokoladli sut so‘ragandi. Bu Il Namni quvontirgan, u o‘g‘lining ham xuddi shunday ekanligini ta’kidlagandi. Ikkinchi mavsumda esa In Xo xuddi Ki Xunni masxara qilayotgandek, sutni homilador qizga beradi. Tomoshabinlar fikricha, Il Nam o‘g‘li ham oddiy sutni icha olmasligi haqida gapirganida, u aslida o‘yin yaratuvchisining o‘g‘li bo‘lgan In Xoni nazarda tutgan.
-ihTrfTJs.png)
Ki Xun jamoasi oxirgi bo‘lib o‘ynaydi
In Xoning jamoasi oxirgi bo‘lib chiqishi ham tasodifiy emasligini ta’kidlash lozim. In Xo yutqazishi mumkinligini anglab, oxirgi bo‘lib chiqadi. Barcha o‘yinchilar ko‘z o‘ngida bunday qilish xato bo‘lardi, chunki u shaxsiyatini ishtirokchilardan yashirin saqlaydi. Shuning uchun In Xo ehtiyot chorasi sifatida oxirgi bo‘lib chiqadi: agar u yutqazganda, uning jamoasidagi barcha a’zolar otib tashlanardi, o‘zi esa tashkiliy ishlariga qaytardi.
-XDQ53AcF.png)
Balandlikdagi o‘yin
Birinchi mavsumda keyingi o‘yinlar haqida devorda ko‘rsatmalar bor edi. Ikkinchi mavsumda ham bu takrorlanadi. Keyingi o‘yinlardan biri qandaydir tirmashib chiqishlar bilan bog‘liq bo‘ladi. Ehtimol, qahramonlar to‘siqlardan ushlab turishlari va ularga nimadir xalaqit bermaguncha oldinga siljishlari kerak bo‘ladi. Bu o‘yin qahramonlar shisha ko‘prikdan o‘tishga majbur bo‘lgan birinchi mavsumning so‘nggi o‘yiniga o‘xshash bo‘lishi mumkin.
-KIthCfJj.png)
Shaxmat
Devorlardagi o‘yinlar haqidagi yana bir ishora ikki xil rangdagi: qora va oq geometrik shakllar bilan bog‘liq. Ba’zi muxlislar buni changi — Janubiy Koreya shaxmati bilan bog‘lashmoqda. Bunda o‘yinchilar soni o‘yindagi kerakli figuralar soniga teng bo‘ladi va keyingi sinov qanday bo‘lishini bilishdan oldin o‘yinchilar ikki jamoaga bo‘linib, ikkita sardor tanlashlari kerak bo‘ladi. Ulardan biri, shubhasiz, Ki Xun bo‘ladi. Xuddi “Garri Potter”dagi kabi, u boshqalarni qutqarish uchun ayrim odamlarni qurbon qilishiga to‘g‘ri keladi. Bu esa Ki Xunni keyingi o‘yinning shafqatsiz boshlovchisiga aylantirishda yana bir qadam bo‘lishi mumkin.
-AtOtPzuU.png)
In Xoning xotinini qutqarish uchun imkoniyati bo‘lgan
“Kalmar o‘yini” birinchi mavsumining voqealari 2020-yilda sodir bo‘ladi va aynan shu paytda keyinchalik boshlovchiga aylangan Xvan In Xoning 2015-yilgi o‘yinlarda ishtirok etgani ma’lum bo‘ladi. Ikkinchi mavsum 2023-yilda kechadi va ikkinchi qismda tomoshabin In Xo 2018-yilda xotinidan ayrilganini biladi. Gap shundaki, u o‘yinga rafiqasini qutqarish uchun kelgan, biroq In Xo 2015-yilgi o‘yinni nazarda tutganini aniqlashtirmagan. Shundan ma’lum bo‘ladiki, In Xoda xotinini qutqarish uchun yana uch yil vaqti bor edi, ammo u bunday qilmaydi. Ukasi Jun Xo In Xoning yashash joyini topib, u juda qashshoqlikda hayot kechirayotganini va hatto kvartira uchun to‘lov qilishga puli yo‘qligini biladi. Chamasi, In Xo Ki Xun kabi bo‘lgan: o‘yinda g‘alaba qozongandan so‘ng u yutuqqa qo‘l ura olmagan va hatto bu pulni xotiniga sarflashga o‘zida kuch topa olmagan, keyin esa butunlay qaytib kelgan.
-25_SMZLn.png)
Titrdan keyingi sahna
Titrlardan keyingi sahnada o‘yinchilar eski o‘g‘il bola qo‘g‘irchoqqa yaqinlashadilar, keyin esa kadr temir yo‘l kesishmalariga xos bo‘lgan svetoforga o‘tadi. Muxlislarning fikriga ko‘ra, bu Janubiy Koreyada juda mashhur bo‘lgan Dong dong o‘yini bo‘lishi mumkin. Qoidaga ko‘ra, bir necha juft odamlar ma’lum bir tarzda turadi va har bir juftlik boshqa o‘yinchilar o‘tadigan aylanaga o‘xshaydi. Bu vaqtda bolalar qo‘shiq aytishadi va qo‘shiq tugagach, aylana yopiladi va unga tushgan bolalar yangi qo‘riqchilarga aylanadi. “Kalmar o‘yini”dagi aylanalar sun’iy bo‘lishi va ishtirokchilar qo‘shiq tugagunga qadar sakrab o‘tishga umid qilib, ular orqali yugurishlari mumkin, ammo yugurishga ulgurmaganlarni esa ayanchli taqdir kutadi.
-P_E2UGTV.png)
Izoh (0)