Sehrli Hogvarts maktabi va Garri Potter haqidagi filmda bosh qahramonning do‘sti Ron Uizli roli bilan mashhur bo‘lgan Rupert Grintga katta miqdorda jarima solindi. Bu haqda “Nur.kz” xabar berdi. Aktyor franshizadan tushgan qo‘shimcha daromadlarini Britaniya soliq tizimidan yashirishga harakat qilgan.
Yaqinda bo‘lib o‘tgan Britaniya soliq idoralari bilan sud ishida Rupert Grint mag‘lub bo‘ldi. Endilikda aktyor 2 million 300 ming dollar jarima to‘lashi shart.
2019-yilda Britaniya soliqlar va bojxona to‘lovlari boshqarmasi aktyorning 2012-yilgi soliq deklaratsiyasida xatolik aniqladi. Grint filmlardan, jumladan, DVD disklar sotuvi, striming tizimi va teledasturlardan kelgan 4,5 million funt sterling (salkam 6 million dollar) daromadni kamroq soliqqa tortiladigan asosiy aktiv sifatida ko‘rsatgan. Shu sababli aktyor daromad solig‘i bo‘yicha 52 foiz o‘rniga atigi 10 foiz soliq to‘lagan.
Soliq organlari bu mablag‘larga yuqoriroq stavkada soliq solish kerakligini keyinroq aniqladi. So‘ng Grintning advokatlari apellyatsiyaga berdi, ammo sud hay’ati mazkur mablag‘ to‘liq soliqqa tortilishi shart deb qaror qildi. Shunday qilib, aktyor soliqlar va jarimalarni to‘liq to‘lashga majbur bo‘ldi.
Rupert Grintning so‘zlariga ko‘ra, moliyaviy masalalarning barchasi uning otasi tomonidan boshqarilgan. Eslatib o‘tamiz, aktyorning 2001-yilda, 12 yoshida “Garri Potter va hikmatlar toshi” filmida debyut qilgan. U franshiza keyingi yetti qismning barchasida Ron rolini o‘ynagan.
Izoh (0)