“Garri Potter va hikmatlar toshi” filmi ingliz yozuvchisi J. K. Rouling qalamiga mansub fentezi janridagi romanlar to‘plami asosida yaratilgan. Franshizaning birinchi qismi premyerasi bundan roppa-rosa 23 yil muqaddam, 4-noyabr kuni Londondagi Odeon kinoteatrida bo‘lib o‘tgan. Shu munosabat bilan kinoteatr binosi ilk bor Hogvarts maktabi ko‘rinishida bezatilgan.
Tadbirda franshizaning uch nafar asosiy qahramonini ijro etgan yosh aktyorlar: Deniel Redkliff, Rupert Grint va Emma Uotson ishtirok etdi. O‘sha vaqtda bolalar hali hech kimga noma’lum edi, lekin film premyerasidan so‘ng keyin ular dunyoga mashhur yulduzlarga aylanishdi.
Franshizaning premyerasida ular 11-13 yoshda edi. Quyida yosh aktyorlarning ilk bor qizil gilamga chiqqan suratlarini taqdim etamiz. O‘sha vaqtda ularni buyuk kelajak kutayotganini bilmas edilar.
Premyerada Garri Potterning “onasi” — yozuvchi J.K. Rouling ham ishtirok etdi. U tadbirga Nil Myurrey bilan tashrif buyurdi. Film premyerasidan ko‘p o‘tmay juftlik turmush qurdi. To‘y 2001-yil 26-dekabrda bo‘lib o‘tgan. Hozirda ular rasman ajrashgan.
Garri Potter romanlari turkumining birinchisi bo‘lmish “Garri Potter va hikmatlar toshi” asari 1997-yil 26-iyunda chiqarildi. Roman umumjahon bo‘ylab mashhurlikka erishdi, tanqidchilar tomonidan ijobiy baholandi hamda tijoriy jihatdan muvaffaqiyat qozondi. 2018-yilning fevraliga ko‘ra, Garri Potter romanlari to‘plami butun dunyo bo‘ylab 500 milliondan oshiq nusxada sotildi.
Ushbu romanlar turkumi asosida Warner Bros. Pictures tomonidan sakkizta film suratga olindi. Franshiza 25 milliarddan ortiq daromad qildi va buning ortidan tarixdagi eng kassabop filmlar qatoridan joy oldi.
Izoh (0)