Севимли фильмлар шуниси билан яхшики, уларни қайта кўриш ва ҳар сафар янги нарсаларни пайқаш мумкин.
Ўзгариб турувчи нарсалар
Сеҳрли таёқчалар дўконига илк бор кириб келган Гаррининг чандиғи бир неча дақиқага йўқолади. “Хогварст-экспресс” купесида Поттерни учратган Роннинг соч турмаги ҳам муттасил ўзгариб туради.
Дадли Дурслнинг шортилари ҳам ерости ўтиш жойида дементорларни учратганда ўзгаради.
Гермионанинг сеҳрли сочлари
Ҳар бир янги фильмда Гермиона ёз давомида жуда ўзгариб кетади. Роулинг китобида уни қалин сочли қиз сифатида тасвирлайди. Тўртинчи китобда қизнинг сочи одатда қарға уясига ўхшаш пахмоқ экани айтилади.
Биринчи фильмда китобий образга яқин образни кўрамиз. “Гарри Поттер ва Азкабан асири” фильмида эса Гермионанинг сочи калтароқ ва жингалак. Франшизанинг финалида эса унинг соч турмаги енгил жингалак қилинган, бундай турмак учун аёлларга бир неча соат керак бўлади. Воқеа ўрмонда содир бўлаётган бўлса-ю, сеҳргар қиз ўзи билан соч дазмолини олиб юрмаган бўлса керак.
Ўзгарувчан ёстиқ
“Гарри Поттер ва ажал туҳфалари” картинасининг иккинчи қисмида гоблин орқасидаги ёстиқ вақти-вақти билан ўрнини ўзгартириб туради. Бир кўришда бунга эътибор бермайсиз, аммо баъзи мухлислар бу ғашга тегадиган детални пайқашди.
Сирли эгизаклар
“Гарри Поттер ва тилсим шаҳзода” фильмининг бир нечта саҳналарида эгизак қизларни кўриш мумкин. Улар яшил кўйлак кийган —бу уларнинг Слизеринга тегишли эканлигини кўрсатади. Лекин нима учун бу иккинчи даражали персонажлар киритилган?
Улар Гестия билан Флора Керроу бўлиб, эгизаклар сюжет учун муҳим: ўт устида ўтирган қизларга қараб, Гарри иккита ғойиб бўлган шкаф борлигини тушунади. Аммо фильм ижодкорлари бу саҳнани кесиб ташлаб, муҳим сюжетни узиб қўйишади.
Кўчиб юрадиган сочиқ
“Гарри Поттер”даги кўплаб нарсалар ўз ҳаёти билан яшайди. Гарри “Hope” меҳмонхонасида ўтирар экан, унинг ўнг томонидаги диванда жигарранг сочиқ, эҳтимол, чойшабни кўриш мумкин. Кейинги кадрда буюм қаҳрамоннинг орқасида ўтиб қолади.
Аслзода Блекларнинг уйи Лондоннинг магллар маҳалласида жойлашган
Блеклар оиласи ўзининг тоза қонлиги ва оддий одамларга нафрат билан қараши билан доим фахрланиб келган. Хўш, нима учун уларнинг ер-мулклари Лондоннинг магллар маҳалласида, яна оддий одамларнинг уйлари ўртасида жойлашган? Бу бинога жойлашиб олган Блекларнинг бобоси қон тозалигига унчалик эътибор бермаганми ёки Лондон марказида яшаш истаги бу хурофотлардан устун келганми?
Унутилган Чжоу Чанг
Чжоу Чанг — Гарри Поттернинг ёқтирган қизи, кейинчалик бу қаҳрамон сценарийчилар томонидан унутилган. Гарри қизни балга таклиф қилган саҳнани эслайсизми? Кейинроқ маълум бўлишича, унга ҳам Гарри ёқиб қолади, аммо Чжоу Амбрижга сеҳр-жоду ўргатилаётган хона сирини ошкор қилади. Шубҳасиз, қиз бунга мажбур бўлган, аммо Гарри фильм охиригача севгилисини бутунлай эътиборсиз қолдиради.
Чжоу Веритасерумнинг таъсири остида ҳақиқатни ошкор қилди — у Амбрижнинг қурбони. Шундай бўлса-да, Гарри у билан ҳатто гаплашмади ҳам, илгари эса қизга нисбатан ҳис-туйғулари ҳаддан ташқари кучли эди.
Изоҳ (0)