Rossiya Ukrainaning Zaporojye shahridagi sanoat korxonasiga uyushtirgan hujumi oqibatida 13 kishi halok bo‘ldi, o‘nlab odamlar jarohatlandi. Bu haqda viloyat ma’muriyati boshlig‘i Ivan Fedorov ma’lum qildi.
So‘nggi ma’lumotlarga ko‘ra, 30 nafar yarador shifoxonalarga joylashtirilgan.
Avvalroq bir kishi halok bo‘lgani va bir necha kishi jarohat olgani xabar qilingan edi.
Fedorov hujum oqibatlarini aks ettiruvchi fotosuratlar va videolarni e’lon qildi. Ularda halok bo‘lgan va jarohat olgan odamlar, yonayotgan ma’muriy bino aks etgan.
Ukraina prezidenti Vladimir Zelenskiy ham zarba oqibatlarini ko‘rsatuvchi videoni e’lon qildi.
“Oddiy fuqarolar aziyat chekishini bila turib, shaharga aviabomba tashlashdan ko‘ra shafqatsizroq narsa yo‘q”, deb yozadi Zelenskiy.
-dUTD94B6.jpg)
Avvalroq Zaporojyeda havo trevogasi e’lon qilingan edi. Hozircha zarba aynan qaysi qurol turi bilan berilganligi ma’lum emas.
Rossiya harbiylari bunga izoh bermagan. Urushdan keyin rossiyalik blogerlar zarba boshqariladigan havo bombalari tomonidan berilgan deb taxmin qilishmoqda. Shuningdek, uning nishoni Zaporojyedagi eng yirik korxonalardan biri — “Motor-Sich” bo‘lishi mumkinligi ta’kidlanmoqda.
Front chizig‘idan bir necha o‘n kilometr uzoqlikda joylashgan Zaporojye Rossiya zarbalarining doimiy nishoniga aylandi. Yaqinda bo‘lgan zarbalardan biri, xususan, Yangi yil kechasida berilgan edi. Zarbalar oqibatida halok bo‘lganlar va jarohatlanganlar bor, infratuzilma obyektlari vayron bo‘lgan.
Izoh (0)