Ukrainada ayol harbiylar Rossiya kuchlarining 17-noyabr kungi yalpi hujumi vaqti X-101 qanotli raketasini urib tushirdi. Ukraina mudofaa vaziri Rustem Umerov ularni mukofotladi. Bu haqda vazir o‘zining Facebook sahifasida ma’lum qildi.
Ularning yaxshi muvofiqlashtirilgan sa’y-harakatlari Rossiyaning X-101 qanotli raketasini urib tushirish va shu orqali Rovno viloyatidagi muhim infratuzilma obyektini himoya qilish imkonini berdi, dedi Umerov.
Ma’lum bo‘lishicha, jangovar operatsiyani katta serjant Olga Maksimenko tasvirga olingan. Yana bir serjant Valentina Steblevets esa planshet yordamida nishon haqidagi asosiy ma’lumotlarni uzatib turgan. O‘zaro muvofiqlashtirilgan harakat sabab Natalya Xrabarchuk rus qanotli raketasini Sovetlarning Igla ko‘chma havo mudofaa tizimi bilan urib tushirgan.
Biz siz bilan, xizmatingiz va matonatingiz bilan faxrlanamiz! Mudofaa vazirligi va butun Ukraina nomidan Olga, Valentina hamda Nataliyaga fidoyilik va jasorat uchun minnatdorlik bildirib, ularga Mudofaa vazirligining munosib mukofotlarini topshirdim, degan mudofaa vaziri.
17-noyabr kuni Rossiya kuchlari Ukraina shaharlari bo’ylab dronlar va raketalar kombinatsiyasidan iborat yirik hujumni amalga oshirdi. Ukraina rasmiylariga ko‘ra, mamlakat havo mudofaa tizimlari jami 210 ta havo nishonidan 144 tasini muvaffaqiyatli tutib olgan. Prezident Zelenskiy hujumni qaytarishda F-16 qiruvchilari ham qatnashganini ma’lum qildi.
Izoh (0)