O‘zbekiston dunyoning eng kuchli pasportlari reytingida 68-o‘rinni egalladi. Bu haqda Passport Index saytida e’lon qilingan ma’lumotlarda keltirilgan.
O‘zbekiston Kanadaning Arton Capital konsalting firmasi tomonidan tuzilgan Passport Index reytingida 95 ta o‘rindan 68-o‘rinni egalladi. 2024-yilda ushbu reytingda 70-o‘rinni egallagandi. Indeksni tuzishda kompaniya pasport egalari qancha davlatga vizasiz bora olishi yoki xorijiy davlatga borganidan keyin viza olishi mumkinligi baholangan. Reytingda bitta o‘ringa bir necha davlatlar to‘g‘ri kelgan.
O‘zbekiston fuqarolari 32 davlatga vizasiz tashrif buyurishi mumkin, 46 davlatga vizani yetib borgandan keyin olishi mumkin, 120 ta davlatga tashrif buyurish uchun esa belgilangan tartibda viza olish kerak bo‘ladi.
O‘zbekiston fuqarolari quyidagi davlatlarga vizasiz kirishi mumkin:
- Antigua va Barbuda
- Armaniston
- Barbados
- Belarus
- BAA
- Dominika
- Eron
- Falastin
- Filippin
- Gaiti
- Gambiya
- Gruziya
- Keniya
- Kot-d’Ivuar
- Malayziya
- Mikroneziya
- Mo‘g‘uliston
- Moldova
- Namibiya
- Ozarbayjon
- Qirg‘iziston
- Qozog‘iston
- Rossiya
- Sent-Vinsent va Grenadin orollari
- Seyshel orollari
- Shri-Lanka
- Surinam
- Tailand
- Tojikiston
- Turkiya
- Ukraina
- Ummon
2024-yilda O‘zbekiston fuqarolari uchun BAA, Tailand, Ummonda vizasiz bo‘lib turish huquqi berildi, Xitoyga 30 kungacha vizasiz sayohat qilish imkonini beruvchi bitim imzolandi. TIV mazkur xalqaro shartnoma tomonlar zarur bo‘lgan davlat ichki tartib-taomillarini bajarganidan so‘ng kuchga kirishini ma’lum qilgan.
Markaziy Osiyo davlatlari reytingda
- Qozog‘iston ushbu reytingda 52-o‘rinda (46 mamlakatga vizasiz rejim);
- Qirg‘iziston 68-o‘rinda (30 mamlakatga vizasiz rejim);
- Tojikiston 72-o‘rinda (27 mamlakatga vizasiz rejim);
- Turkmaniston 76-o‘rinda (18 mamlakatga vizasiz rejim).
Afg‘oniston reytingda eng quyi pog‘onadan bitta oldinda. Afg‘onistonliklarni faqatgina 6 ta davlat vizasiz mamlakatga kiritadi.
Dunyodagi eng kuchli pasport egalari BAA fuqarolari bo‘ldi. Ular 133 ta davlatga vizasiz borishi mumkin, 47 ta davlatga yetib borganidan keyin viza olishi mumkin. Reytingning eng quyi pog‘onasidan Suriya o‘rin oldi. Ushbu davlat pasport egalari 9 ta davlatga vizasiz borishi, 31 ta mamlakatga borgandan keyin viza olishi mumkin.
Izoh (0)