Rossiya va Ukraina o‘rtasida tinchlikka 2025-yil 20-aprelgacha erishilishi mumkin. Bu haqda Britaniyaning Sky News telekanali o‘z manbalariga tayanib xabar berdi.
Manbaga ko‘ra, tinchlikka erishish xristianlarning Pasxa bayramidan oldin amalga oshishi mumkin.
Rossiya va Ukraina o‘rtasidagi keng ko‘lamli urush 2022-yilning 24-fevralida boshlangan. Avvalroq Ukraina prezidenti Vladimir Zelenskiy urush 2025-yilda tugashiga umid qilishini aytgan edi.
Avvalroq Financial Times Rossiya va Ukraina o‘rtasidagi urush bo‘yicha o‘z prognozlarini e’lon qilgandi. Unga ko‘ra, Rossiya 2025-yilda keskinroq sanksiyalar tahdidi ostida Ukraina bilan tinchlik shartnomasi tuzadi.
Nashrning fikricha, kelishuvga erishish uchun AQSHning saylangan prezidenti Donald Tramp Kiyevni qo‘llab-quvvatlashni kuchaytirishi kerak bo‘ladi.
Ukraina prezidenti Vladimir Zelenskiy podkaster Leks Fridmanga bergan intervyusida Rossiyaga hududiy yon bosish shartini aytgandi.
“NATO Ukrainaga qonuniy ravishda taklif qilinmoqda va biz Ukrainaning boshqa hududlarini tan olmasak-da, NATO Ukraina nazoratidagi qismda faoliyat yuritishi mumkin. Bu haqda kelishib olsa bo‘ladi. Bunga ishonchim komil”, dedi Zelenskiy.
Prezident aniqlik kiritib, bunday ssenariy faqatgina Ukraina urushni tugatishning diplomatik yo‘lini ko‘rgandagina amalga oshishi mumkinligini aytgan.
Izoh (0)