AQSHning saylangan prezidenti Donald Tramp amaldagi prezident Jo Bayden ma’muriyatini Ukrainadagi mojaroni keltirib chiqarishda aybladi.
Siyosatchining ta’kidlashicha, aynan Bayden vakillarining malakasizligi Rossiyaning maxsus harbiy operatsiyani boshlashiga sabab bo‘lgan. U Florida shtatida joylashgan qarorgohida jurnalistlarga shunday bayonot bilan chiqdi.
“Menimcha, Rossiya Ukrainaga hujum qildi, chunki Bayden ma’muriyatining uquvsizligini ko‘rdi. Ular nima qilayotganlarini o‘zlari ham bilmaydi. Lekin biz nima qilayotganimizni bilamiz va bularning hammasi tugaydi. Bizda buyuk armiya bor”, dedi Tramp.
Bundan tashqari, Tramp prezidentligi mojarolar bilan qoplangan davrda boshlanishini ta’kidladi.
U Bayden ma’muriyati Ukrainaning NATOga kirishi bo‘yicha muzokaralarda ko‘plab xatolarga yo‘l qo‘yganini tan oldi.
Trampning qayd etishicha, barcha tomonlar, jumladan, Rossiya va G‘arb hamisha Ukraina NATOga a’zo bo‘la olmasligini tushunib kelgan.
Tramp Putin bilan uchrashish imkoniyati haqida gapirishdan bosh tortdi, biroq “Rossiya prezidenti u bilan muzokaralar olib borishni xohlaydi” deb hisoblaydi.
Izoh (0)