Turk kino sanoati o‘zining ko‘plab iqtidorli aktrisalari bilan ajralib turadi, ularning ekranda biror his-tuyg‘uni yetkazib berish qobiliyati tomoshabinlarni befarq qoldirmaydi. Shunga qaramay, aktrisalarning aksariyati ko‘pincha epizodik rolni ijro etadi va asosiy obrazlar soyasida qolib ketadi. Agar ularning iste’dodi o‘z vaqtida qadrlansa, aktrisalar tez orada dunyo miqyosida yulduzga aylanishi shubhasiz.
Ilayda Chevik
Ilayda Chevik o‘zining latofatli tashqi ko‘rinishi va aktrisalik mahorati bilan dizi muxlislariga yaxshi tanish, ammo ko‘plab loyihalarida u ikkinchi darajali rollarni ijro etadi. Uning obrazi bosh qahramon bo‘lmasa ham, ekranlarda doim ajralib turadi.
Ilayda Chevikning karyerasi “Qora gul” dramasidan boshlandi, serial 2013-yildan 2016-yilga qadar davom etdi va tomoshabinlarga ko‘plab yangi chehralarni taqdim etdi. Ular orasida Mayya rolini ijro etgan Ilayda hamda tez orada bosh rollarga taklif olgan Aycha Ayshin Turan ham bor.
U “Qora gul”dan keyin “Bir kuni Chukurovada” nomli melodrammada ishtirok etdi. 2020-yilda Ilayda “Sevgi kel desa” melodramasida bosh rolga tayinlandi, ammo loyiha reytingi pastligi sababli serial bekor qilindi.
Shundan so‘ng aktrisa “Qalbim eshigini qoq” da u Balja obrazini gavdalantirdi. Serialda aktrisa Ilayda Chevik ijro etgan salbiy qahramon loyihada qisqa vaqt ko‘rinish bergan bo‘lsa-da, tomoshabinlar nafratini qo‘zg‘ashga ulgurdi. Ijtimoiy tarmoqlarda aktrisaga turli bosimlar, haqoratlar, kinoni tark etishi lozimligi haqida izohlar kelishi bunga dalildir.
Nesrin Javadzade
Nesrin Javadzade turk kinematografiyasining eng yorqin aktrisalaridan biri sanaladi. Uning uning mahorati va obrazni to‘liq ochib berish qobiliyati Nesringa mashhurroq aktrisalardan ajralib turish imkonini beradi. Aktrisa ishtirokidagi deyarli barcha loyihalar muvaffaqiyatli chiqqan. Ayniqsa, uning “Qora niyat”dagi Shahika obrazi sabab mashhurlikka erishgan, ammo rejissyor bilan kelishmovchilik tufayli loyihani erta tark etgan.
Nesrin “Qora niyat” dan avval 20 dan ortiq film va seriallarda suratga tushgan. Uning “Uch qurush” detektiv dramasidagi Bahar obrazi ayniqsa diqqatga sazovor. Unda aktrisa va nihoyat asosiy rollardan birida porlay oldi. Javadzade “Mening ajoyib hayotim” serialida ham ishtirok etgan.
Oznur Sercheler
Oznur Sercheler ko‘pincha syujet markazida namoyon bo‘lmasa-da, uning modellarga xos qiyofasi muxlislar e’tiboriga tushgan va aktrisa ishtirok etadigan har qanday loyihaning ajralmas qismiga aylantirgan.
Oznurni ko‘pchilk ilk bor “To‘lin oy” va “To‘rg‘ay” romantik komediyalari tufayli tanigan. 2022-yilda Sercheler mashhur “Qo‘rg‘on sirlari” serialida badavlat Asuman Korxan xonim rolini ijro etdi va qisqa muddatda dunyoga mashhur yulduzga aylandi. Kelajakda Oznur musiqa sohasidagi karyerasini ham rivojlantirish umidida.
Zehra Yilmaz
Yilmaz televideniyedagi faoliyatini 2016—2017-yillarda bosh rolni ijro etgan “Bodrum ertagi” teleserialidagi Ra’no roli bilan boshlagan. Uning karyerasi allaqachon ko‘plab muvaffaqiyatli loyihalarni o‘zi ichiga oladi. Aktrisa har bir loyihada o‘z ishiga yuqori darajadagi tayyorgarlik va sadoqatni namoyish etadi.
“Hukmdor Usmon” tarixiy dramasidagi Selvi Xotun obrazi aktrisaning ijodi yangi bosqichga ko‘tarilishiga yordam berdi. So‘ng aktrisa mashhur “Qalb yarasi”, “Yozgi qo‘shiq” va “Cheksiz muhabbat” kabi loyihalarda ishtirok etdi.
Tuvana Turkay
Tuvana Turkay ham aksariyat hollarda epizod rollarni ijro etgan bo‘lsa-da, aktrisa serqirra obrazlar yaratishda o‘z mahoratini ko‘rsata olgan. Uning xarizmasi va professionalligi Turkayni har bir loyihada yorqin obrazga aylantiradi.
Tuvana Turkay “Samoviy sevgi”, “Pul va ishq”, “Qog‘oz uy” va boshqa ko‘plab teleseriallarda ishtirok etgan. 2020-yilda u “Og‘ir romantika” filmida bosh rolni o‘ynagan.
Shafak Pekdemir
Shafak Pekdemir ham o‘zining ikkinchi darajali rollari bilan tomoshabinlarga uzoq vaqtdan beri tanish. Ko‘pchilik bu aktrisani “Taqiqlangan sevgi” filmidagi roli tufayli kashf etdi. So‘ng Pekdemir “Sham ko‘targan yolg‘onchilar" serialida qatnashdi, ammo loyihaning reytingi pastligi tufayli serial muvaffaqiyatsizlikka uchradi.
Shuningdek, Shafakning “Sendanda go‘zal” serialidagi yana bir ajoyib obrazi aktrisaga dizi olamida tanilishiga sabab bo‘ldi.
Izoh (0)