Kinodagi faoliyatini Gollivuddan boshlagan mashhur turk aktyori Kerem Bursin yaqinda ota bo‘ladi. Bu haqda turk OAVlari xabar bermoqda. Hozircha buni aktyorning o‘zi tasdiqlamagan, ammo muxlislar Bursinning ijtimoiy tarmoqdagi sahifasida tabriklar va olqishlarga to‘la izohlarini qoldirishda davom etmoqda.
Avvalroq u Din Sabanjining nabirasi, model Melisa Sabanji Tapan bilan munosabatlari haqida iliq fikrlar bildirgan edi:
“Men uchun munosabatlardan izlagan va kutilgan narsa bu biror yangilikdir. Hozirda Melisa bilan baxtliman, munosabatlarimiz esa juda tez va ajoyib tarzda boshlandi”, dedi Bursin.
Keremning do‘stlari jurnalistlar savollariga javob berar ekan, aktyor va model baxtli ekanliklarini va ularning munosabatlariga OAVning katta e’tibor qaratishlarini istamasliklarini ta’kidladi.
Bundan tashqari, Kerem va Melisa tez orada qonuniy turmush qurishlari ham ma’lum bo‘ldi. Bu haqda Magazinane nashri xabar berdi. Unga ko‘ra, avvaliga Kerem Bursin qallig‘i Melisa Sabanjiga turmush qurish taklifini bergan, keyin esa Melisa unga homiladorligi haqida xabar qilgan.
Ma’lumot uchun, Shotlandiya, Malayziya, AQSh tashrif buyurib, u yerda aktyorlik faoliyatini boshlagan Kerem Bursin “Quyoshni kutish” serialida rol o‘ynab, Turkiyada mashhurlikka erishdi. Shundan so‘ng Kerem 17 ta loyihada suratga tushdi. Uning ishtirokidagi “Eshigimni sen qoq” seriali aktyorning dunyo bo‘ylab mashhurlikka erishishiga sabab bo‘ldi. Hozirda reklama shartnomalaridan Turkiyada eng katta daromad oladigan aktyor Gupse Ozay bilan birgalikda “Platonik sevgi” seriali ustida ishlab kelmoqda.
Izoh (0)