Fransiya prezidenti Emmanuel Makron fransuz diplomatiyasini Suriyaning yangi hokimiyatlariga nisbatan hushyor munosabatda bo‘lishga chaqirdi. Bu haqida Le Figaro gazetasi xabar berdi.
“Biz Suriyada tuzum o‘zgarishiga jiddiy munosabatda bo‘lishimiz kerak”, dedi Makron Fransiya 2025-yilga mo‘ljallangan tashqi siyosat ustuvorliklari haqidagi nutqida.
Davlat rahbarining so‘zlariga ko‘ra, Fransiya Suriyani “erkin, etnik, siyosiy va diniy plyuralizmga hurmat ko‘rsatadigan suveren mamlakat”ga aylanishni qo‘llab-quvvatlaydi.
Shu bilan birga, prezidentning fikricha, Fransiya terrorizmga qarshi kurashayotgan “kurdlar kabi ozodlik kurashchilari”ni qo‘llab-quvvatlashga sodiq qolishi kerak.
Avvalroq Makron AQSH Ukraina mojarosini hal qilish uchun muzokaralar stoliga o‘tirishga “Rossiyani ko‘ndirish”ga yordam berishi kerakligini aytib o‘tgandi.
“AQSH vaziyatning tabiatini o‘zgartirish va Rossiyani muzokaralar stoliga o‘tirishga ishontirishda bizga yordam berishi kerak”, dedi Makron.
Politico nashri 2024-yilning eng omadsiz siyosatchilari ro‘yxatiga Fransiya prezidenti Emmanuel Makronni ham kiritgandi.
Izoh (0)