Birinchi xonimlar: prezident va qirollarning mashhurlikda ulardan qolishmaydigan rafiqalari (foto)

Bu ayollar siyosatda ham umr yo‘ldoshidan kam rol o‘ynamaydi. Ular nafaqat turmush o‘rtog‘ining mavqeyini ta’kidlabgina qolmay, balki butun mamlakat uchun namuna bo‘lishga intiladilar.

Jill Bayden, AQSH prezidenti Jo Baydenning rafiqasi

1977-yil 17-iyunda juftlik turmush qurdi. Joning birinchi xotini kichik qizi bilan birga avtohalokatda vafot etgandi. O‘sha paytda Jill ingliz tilida bakalavr darajasini olgan, universitetda dars berardi. Uning karyerasi Bayden bilan baxtli turmush qurish va uning birinchi turmushidan bo‘lgan ikki o‘g‘li Bo va Hanterga g‘amxo‘rlik qilishga xalaqit bermadi.

Jill doim erini qo‘llab-quvvatlaydi va ijtimoiy faoliyatda faol. 2020-yildagi prezidentlik saylovida Baydenning asosiy tayanchiga aylandi. Birinchi xonim sifatida saylov kampaniyasida Jill kollejlarni yaxshilashga va harbiy oilalarga yordam berishga va’da bergan.

Letisiya — Ispaniya qirolichasi, kuchli xarakterga ega ayol. Filipp VI bir vaqtlar ota-onasi tomonidan taklif qilingan Shvetsiya valiahd malikasi Viktoriya nomzodini rad etib, Letisiyaga ko‘ngil qo‘ydi. Maftunkor jurnalist bilan birinchi uchrashuv ispaniyalik yosh qirolning yuragini zabt etdi.

Letisiya bir necha bor Filipp VI ning uchrashishga bo‘lgan urinishlarini rad etgan. Ammo suv toshni yemirganidek, oxir-oqibat ispan qirolining qat’iyati va muhabbati mag‘rur qizni ham sevgi oldida taslim qildi.

Ozarbayjonning birinchi xonimi 56 yoshda bo‘lsa ham ancha yosh ko‘rinadi. Aslida u shifokorlikka o‘qigan, ammo keyinchalik hayotini siyosat bilan bog‘lagan.

Mehribon Ozarbayjon Gimnastika federatsiyasiga rahbarlik qiladi, bir qancha jamoat tashkilotlari a’zosi va eng muhimi, 2017-yildan buyon Ozarbayjonning birinchi vitse-prezidenti lavozimida ishlab kelmoqda. 1983-yildan beri turmush qurgan juftlikning bir o‘g‘il va ikki qiz bor.

Suriyaning 45 yoshli birinchi xonimi dunyodagi eng jozibali ayollardan biri hisoblanadi. Asma bolaligini Buyuk Britaniyada o‘tkazgan, bu yerda o‘qigan va keyin vataniga qaytib kelgan.

Arab, ingliz, ispan va fransuz tillarida bemalol gapira oladi. 2000-yilda turmush qurgan juftlikning u Hofiz, Zayn va Karim ismli o‘g‘illari bor.

Brijit shokolad va qandolatchilik do‘konlari tarmog‘iga egalik qiluvchi biznesmen oilasida tug‘ilgan, ammo bu uning figurasiga hech qanday ta’sir qilmadi. U turmush o‘rtog‘idan deyarli 25 yosh katta.

Kasbi — o‘rta maktabda fransuz va lotin tillari o‘qituvchisi. 2007-yilda Emmanuel Makron bilan turmush qurgan.

Ma’lumki, qirol Abdulla II shaxsiy hayotida yevropacha qarashlarga amal qiladi: Iordaniyada ko‘p xotinlikka ruxsat berilgan, biroq qirol chorak asrdan beri Raniya bilan baxtli turmush kechiradi.

Birinchi marta uchrashganlarida Raniya 22 yoshda, Abdulloh undan 8 yosh katta bo‘lgan, ular 1993-yilda turmush qurishadi. Hozirda ular to‘rt farzandni tarbiyalashmoqda.