Suriya sobiq prezidentining rafiqasi Asma Asad o‘tkir miyelogen leykemiya (oqqon) tashxisi tufayli Moskvada izolyatsiyaga olindi. Bu haqda The Guardian xabar berdi.
Asma Asadga boshqa odamlar bilan muloqot qilish taqiqlangan. Kasallik boshqalarga yuqishining oldini olish uchun u izolyatsiyaga olingan. Unda qon saratoni boshlangani aytilmoqda. Asmaga boshqa odamlar bilan bir xonada bo‘lish mumkin emas. Uning omon qolish ehtimoli 50 ga 50.
Asma o‘lmoqda. U hech kim bilan bir xonada bo‘la olmayapti, deya ma’lum qildi nashr manbalari.
U ilgari ko‘krak bezi saratonidan davolangani va 2019-yil avgust oyida bir yillik davolanishdan so‘ng kasallikdan “to‘liq” xalos bo‘lganini e’lon qilgan. 2024-yil may oyida Suriya prezidenti administratsiyasi Asmaga o‘tkir miyeloid leykoz tashxisini qo‘ygan.
Asma davolanish uchun Britaniyaga bormoqchi edi
Ta’kidlanishicha, Asma davolanish uchun eridan oldinroq Moskvaga kelgan. Suriyada isyonchilar hujumidan so‘ng Bashar Asad Moskvaga qochgandi. Turkiyaning bir qancha ommaviy axborot vositalari Asma eri bilan ajrashish jarayonida ekanini xabar qilgan.
Shundan so‘ng Asma Asad sud orqali Moskvadan chiqib ketishga ruxsat olmoqchi. U Buyuk Britaniyada davolanishi haqida xabar tarqalgan. Taxminlarga ko‘ra, Asadlar oilasi Rossiyada boshpana olgani uchun hujjatlari vaqtincha olib qo‘yilgan. Bu esa xorijga chiqish imkonini bermaydi.
Britaniya uni qabul qilishga tayyor emas
Asma Suriya va Britaniya fuqaroligiga egaligiga qaramay, Britaniya tashqi ishlar vaziri Devid Lemmi shunday dedi:
“So‘nggi kunlarda Asma Asad mamlakatimizga kirishga urinayotgani haqida eshitdim. U sanksiyalar ostida ekanini va Buyuk Britaniyada xush ko‘rilmaydigan shaxs ekanini ta’kidlab o‘tmoqchiman”.
Asmaning ikki fuqaroligi bo‘lgani sababli uning Britaniya fuqaroligi bekor qilinishi mumkin. Biroq qirollik bosh vaziri Kir Starmer Asad rejimi qulaganidan ko‘p o‘tmay, Asmani Britaniya fuqaroligidan mahrum qilish haqida gapirish hali erta ekanligini aytgan.
“Biz qaror qabul qilish uchun juda erta bosqichda turibmiz”, dedi Starmer.
Izoh (0)