Belarus prezidenti Aleksandr Lukashenko gubernatorlar bilan uchrashuvda 2025-yilgi prezidentlik saylovlari vaqtida harbiy kuch ishlatish mumkinligini ma’lum qildi.
“Zarur bo‘lganda politsiya, kerak bo‘lganda tartib o‘rnatilishi uchun harbiylarni qo‘rqmasdan jalb qilaveringlar”, dedi Lukashenko.
Unga ko‘ra, Belarusda saylov komissiyalari a’zolariga tashqaridan bosim o‘tkazishga urinishlar kuzatilmoqda.
“Saylov uchastkalarida saylov komissiyalariga yordam bering, chunki tashqaridagi yaramaslar allaqachon bizning komissiya a’zolariga, ayniqsa rahbariyatga bosim o‘tkazmoqda”, dedi Lukashenko.
Belarusda prezidentlik saylovlari 2025-yil 26-yanvarda bo‘lib o‘tadi. Ularda ishtirok etish uchun besh kishi, jumladan, 1994-yildan beri davlat rahbari lavozimini egallab kelayotgan va yettinchi marta prezidentlikka da’vogarlik qilayotgan Lukashenko da’vogarlik qilmoqda.
2024-yil dekabr oyi o‘rtalarida Respublika Markaziy saylov komissiyasi MDH kuzatuvchilari missiyasi Belarusdagi prezidentlik saylovlari bo‘yicha ish boshlagani haqida xabar bergandi.
Izoh (0)