Belarus prezidenti Aleksandr Lukashenko mamlakatga hujum qilgan har qanday do‘st yoki dushmanga javob zarbasi berilishidan ogohlantirdi. U Belarusga “Oreshnik” raketasi joylashtirilishi va rossiyalik hamkasbi Putinga qo‘ygan sharti haqida ham gapirdi. Bu haqda “BelTA” xabar berdi.
Men barcha dushmanlarim, do‘stlarim va raqiblarimni ogohlantirdim: agar davlat chegarasi chizig‘iga qadam qo‘ysangiz, javob zudlik bilan beriladi. Bunda qurolning turi — yadroviy yoki boshqasiga qaramayman. Biz bu masalada Rossiya bilan hali ular bizga yadro qurolini qaytarishdan oldin kelishib olganmiz.
Ammo qaytarilgan qurol biz ularga bergan qurollardan farqlanadi. O‘sha paytda strategik yadro qurollari topshirilgandi, hozir esa bizga taktik yadro qurollari qaytarildi. Ular hatto “Oreshnik” deb ataladigan quroldan taxminan besh barobar kuchliroq bo‘lishi kerak, dedi Lukashenko.
Belarus prezidenti mamlakatda “Oreshnik” raketasi joylashtirilishiga ham munosabat bildirdi. U raketani joylashtirish uchun maydon tanlanayotgani aytdi.
Bizda strategik yadroviy raketalarni joylashtirishdan maydonchalar saqlanib qolgan, degan siyosatchi.
Lukashenko shu tufayli uni “diktator” deb atashlarini ta’kidlagan. “Diktator bo‘lganim uchun emas, balki ularga yoqmagan ishni qilganim uchun shunday atashadi. Lekin ko‘rib turibsizki, bu menga asqatdi”, degan u
Belarus prezidenti “Oreshnik”ni mamlakatga joylashtirish bo‘yicha rossiyalik hamkasbi Vladimir Putinga shart qo‘yganini eslatdi.
Bizda o‘ttizga yaqin shunday maydoncha mavjud. Ulardan birini tanlaymiz, chunki zarar yetkazish obyektlarigacha eng qisqa masofa bo‘lishi kerak. Joylashtirish va mo‘ljal olishni amalga oshiramiz. Ehtimol, sezgandirsiz, Putin bilan kelishuvimda bitta shart bor edi: Belarus hududida nishonlarni biz tanlaymiz, ruslar emas. Ammo ulardan foydalanishda yordam berasiz. Ya’ni, agar zarurat tug‘ilsa, tugmachani birgalikda bosamiz. Ammo nishonlarni belgilash faqat bizning ixtiyorimizda bo‘ladi. Putin bunga rozi bo‘ldi, degan u.
Izoh (0)