Armaniston bosh vaziri Nikol Pashinyan va Belarus prezidenti Aleksandr Lukashenko 26-dekabr kuni Sankt-Peterburgda o‘tkazilgan Oliy Yevrosiyo iqtisodiy kengashi yig‘ilishida tortishib qoldi.
Lukashenko keyingi yig‘ilishni va Yevrosiyo iqtisodiy forumini may oyi oxirida Minskda o‘tkazishni taklif qildi. Bunga javoban videoaloqa shaklida yig‘ilishda qatnashayotgan Pashinyan qarshi emasligini aytdi. Biroq u yig‘ilishda delegatsiyasi videokonferensiya tarzida qatnashishidan ogohlantirdi.
Sizda qanday muammo bor, Minskkacha uzoqmi yoki sizni olib boradigan odam yo‘qmi? Delegatsiyangizni yetkazib berishni tashkil qilamiz-ku, deya e’tiroz bildirdi Lukashenko.
Pashinyan bu masala yuzasidan ommaviy bayonot berganini aytdi. U Armanistondagi amaldorlarning Belarusga tashrif buyurishi taqiqlanganini nazarda tutdi.
Bu bayonot o‘z kuchida qolmoqda. Menimcha, bu masalalarni muhokama qilish uchun to‘g‘ri joy emas, dedi u.
Pashinyan Belarus prezidenti taklifiga munosabat bildirganini, hech qanday tushunmovchilik bo‘lishini istamasligini aytdi.
Xo‘p, biz sizning bayonotingizni ko‘rib chiqamiz, dedi Lukashenko.
Bunga javoban Pashinyan ko‘rib chiqadigan hech narsa yo‘qligini va umuman olganda Belarus prezidenti uning bayonotini ko‘rib chiqa olmasligini aytdi.
Mening bayonotim ko‘rib chiqilishi shart emas, deya ta’kidladi u.
Lukashenko Minskda “televizor bo‘lmasligi” mumkinligini ta’kidladi. Bunga Pashinyan: “Hech qanday muammo yo‘q”, deya javob berdi.
Tushunaman, sizda televizorlar bilan bog‘liq muammolar paydo bo‘lgan bo‘lishi mumkin. Men buni tushunish bilan qabul qilaman, dedi Armaniston bosh vaziri.
Shu bilan tortishuv nihoyasiga yetib, ishtirokchilar hujjatlarni imzolashga kirishdi.
Armanistondagi amaldorlar Belarusga borishi taqiqlangan
Men sizning ozodlik urushingizdan oldingi suhbatimizni, tushlik paytida birga falsafiy suhbatlashganimizni esladim. O‘shanda urushda g‘alaba qozonish mumkin, degan xulosaga kelgandik. Bu muhim, urushda g‘alaba qozonish mumkin, degan edi Lukashenko.
Bizning ittifoqchilarimiz 44 kunlik urushni tayyorlashda qatnashgan, men KXSHTga aʼzo bo‘lgan kamida ikkita davlatni bilaman, ular bizga qarshi urush tayyorlashda qatnashgan, degan Pashinyan.
Izoh (0)