“Kungaboqar urug‘ini yetishtiruvchilarning eksport salohiyatini oshirish chora-tadbirlari to‘g‘risida”gi hukumat qarori qabul qilindi.
Qarorga ko‘ra, barcha xo‘jalik yurituvchi subyektlarga, ularning tashkiliy-huquqiy shaklidan qat’iy nazar, kungaboqar urug‘larini (TIF TN kodi 1206 00 990 0 oq kungaboqar, TIF TN kodi 1206 00 910 0 oq chiziqlar bilan kulrang qobiqda kungaboqar) O‘zbekiston bojxona hududidan tashqariga olib chiqishga (eksport qilishga) ruxsat berildi.
Bu 2024-yil 20-dekabrdan boshlab barcha yetkazib berishlar uchun amal qiladi.
Hujjatda ta’kidlanishicha, mamlakatda kungaboqar urug‘larini eksport qilishda biznes muhitni yaxshilash maqsad qilingan.
2022-yil iyun oyida prezident ichki bozordagi narxlarni barqarorlashtirish maqsadida kungaboqar urug‘i va boshqa moyli ekinlar, shuningdek kungaboqar va boshqa o‘simlik moylarining eksportini taqiqlagan edi. Vazirlar Mahkamasiga kungaboqar urug‘larining ichki bozorda yetarli hajmi mavjud bo‘lgan taqdirda, ushbu tovarlar eksportini qayta tiklash huquqi berilgandi.
Izoh (0)