“Rosselxoznadzor” Qozog‘istonga mamlakatga don, pomidor, qalampir hamda kungaboqar urug‘lari eksportini vaqtincha to‘xtatish talabi bilan murojaat qildi.
Agentlik Qozog‘iston Qishloq xo‘jaligi vazirligidan ushbu mahsulotlarni eksport qilish uchun fitosanitariya sertifikatlarini bermaslikni so‘ragan va buni ularda zararkunandalar hamda patogenlar tobora ko‘payib borayotgani bilan asoslagan.
Qozog‘iston don ittifoqi vakili Yevgeniy Karabanov mazkur vaziyat savdo urushiga yaqin ekanini ta’kidlagan. Uning so‘zlariga ko‘ra, rasmiylar yoki avgust oyida joriy qilingan Rossiya bug‘doyini olib kirishga qo‘yilgan taqiqni bekor qilish yoki Rossiyadan un, sut va go‘sht mahsulotlarini olib kirishni taqiqlash bilan javob berishi kerak.
Agar oxirgi variant tanlansa, Karabanov Rossiya tomonidan ko‘mir, neft va neft mahsulotlari tranzitini taqiqlashni, keyin esa Qozog‘istonning YevrAzESdan chiqishini taxmin qilmoqda.
Qozog‘istonning “APK Novosti” agentligi avvalroq Rossiyada so‘zsiz siyosat yuritila boshlagani, unga ko‘ra chegarachilar va Rossiya temiryo‘llari rahbariyati Qozog‘iston tovarlarini Rossiyaga olib kirish va ularni mamlakat hududi orqali tashishdan bosh tortgani haqida xabar bergan edi.
Shu bilan birga, avvalroq Qozog‘iston Xitoy bilan gaz eksportini ko‘paytirish bo‘yicha muzokaralar olib borayotgani va gaz tashish tizimlari quvvatini oshirish uchun qo‘shimcha quvur qurish imkoniyatini ko‘rib chiqayotgani xabar qilingandi.
Izoh (0)